पोखरा / नेपाल राष्ट्रिय फुटबल टोलीका पूर्वकप्तान तथा चर्चित स्ट्राइकर भरत खवास नेपाली सेनाको मेजर पदमा बढुवा भएका छन् । सेनानी अर्थात् मेजरमा बढुवा भएका खवासलाई उद्धारमा खटिएकै बेला कार्यक्षेत्रमै दर्ज्यानी चिह्न प्रदान गरिएको हो ।
विनाशकारी रसुवा बाढीपछि उनी अहिले नुवाकोटको त्रिशूली क्षेत्रमा उद्धार तथा राहत कार्यमा खटिएका छन् ।
यसअघि २०७९ सालमा क्याप्टेन बनेका ३४ वर्षीय खवासले अब सेनानीको जिम्मेवारी सम्हाल्नेछन् । फुटबलमा पनि उनको यात्रा उत्तिकै प्रभावशाली छ ।
एन्फा एकेडेमीका उत्पादन खवासले संकटा, फ्रेन्ड्स, स्पोर्टिङ इलाम मेची हुँदै नेपाल पुलिस क्लब र त्रिभुवन आर्मी क्लबबाट व्यावसायिक फुटबल खेलेका छन् ।
नेपालका लागि विश्वकप छनोट, साफ च्याम्पियनसिपलगायत ठूला अन्तर्राष्ट्रिय प्रतियोगिता खेलिसकेका उनी शहीद स्मारक ‘ए’ डिभिजन लिगमा तीनपटक उत्कृष्ट फरवार्डसमेत घोषित भइसकेका छन् ।
प्रतिक्रिया लेख्नुहोस्:-