पोखरा — बेगनासताल पोखरा यातायात प्रा.लिले प्रधानमन्त्री दैवीप्रकोप उद्धार कोषमा आर्थिक सहयोग गरेको छ।
भोटेकोशी नदीमा आएको बाढीका कारण रसुवा र नुवाकोट सहित विभिन्न स्थानमा ठूलो धनजनको क्षति भएपछि राहत प्रदान गरिएको छ ।
बाढी प्रभावित नागरिकलाई केही राहत पुगोस् भन्ने उद्देश्यले कम्पनीको तर्फबाट उक्त सहयोग रकम प्रदान गरिएको बेगनासताल पोखरा यातायात प्रा.लि.का क्यू संयोजक सन्तोष अधिकारीले बताए ।
सन्तोष अधिकारीले यस विपद्को यस कठिन समयमा प्रभावित नागरिकको उद्धार, राहत तथा पुनःस्थापनाका लागि सबै क्षेत्रबाट सक्दो सहयोग आवश्यक रहेको बताए । कम्पनीले आफ्नो सामाजिक उत्तरदायित्वअन्तर्गत सानो भए पनि सहयोग गर्ने प्रयास गरेको उनको भनाइ छ।
भोटेकोशी बाढीबाट रसुवा र नुवाकोटका विभिन्न क्षेत्रमा जनधनको क्षति भएपछि सरकारी तथा गैरसरकारी निकाय, संघसंस्था र व्यक्तिगत रूपमा समेत राहत सहयोग जुटाउने क्रम जारी छ। यस कम्पनी ले हाल कास्की र लम्जुङ मा सार्वजनिक यातायात संचालन गर्दै आएको छ ।
प्रतिक्रिया लेख्नुहोस्:-