पोखरा – बुधबार राती पोखरा ८ सभागृहचोक नजिक महिलाको हत्या गर्नेलाई प्रहरीले खोजिरहेको छ । सडकमा हिडिरहेकी महिलालाई धारिलो हतियार प्रहार गरि हत्या गर्ने पुरुष अझै फरार छन् ।
घटनाभएको स्थानमा सिसिटिभि नभएकाले प्रहरीलाई अनुसन्धानमा समस्या आएपनि त्यस बाहेकका स्थानमा भने प्रहरीले सिसिटिभि फुटेजहरुको अनुसन्धान गरेको छ । अनुसन्धानबाट पुरुषको हुलिया पत्ता लगाइएको छ । महिलालाई हतियार प्रहार गर्ने व्यक्तिले खरानी कलरको ज्याकेट निलो पाईन्ट र सेतो सर्ट लगाएको खुलेको छ ।
ति पुरुष सवारीको पछाडि बसेको देखिएको छ । अहिले प्रहरीले मृतकको आफन्त बोलाएर सोधपुछ गरिरहेको छ । आफन्तबाटै घटना घटाएको हुन सक्ने भन्दै प्रहरीले प्रारम्भिक रुपमा आफन्तकै बयान लिइरहेको छ ।
तर, घटनामा दोषि को भन्ने पत्ता नलाग्दा अपराधि भाग्न सक्ने प्रहरीकै अनुमान छ । लामो समय सम्म प्रकाउ नपर्दा हत्यारा पोखरा छाडेर भागिसक्ने सम्भावना रहेको सुरक्षा अधिकारीहरु नै बताउछन्
पोखरा–५ मालेपाटन निवासी ४२ वर्षीया श्रीजना पौडेल केसी माथि धारिलो हतियार प्रहार भएको थियो ।
उनको टाउकोमा प्रहार गरिएको थियो । अचेत भइ ढलेकी उनलाई नजिकैको गण्डकी मेडिकल कलेज लगिएपनि उनको मृत्यु भइसकेको थियो ।
प्रतिक्रिया लेख्नुहोस्:-