बालेनले लिए प्रधानमन्त्रीको सपथ, गणतन्त्र स्थापनापछिको पहिलो कान्छा प्रधानमन्त्री

शंखनाद, स्वस्ति शान्ति र आध्यात्मिक ऊर्जाबीच देशले आज (शुक्रवार) नयाँ राजनीतिक अध्याय सुरु भएकाे छ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) आजदेखि औपचारिक रूपमा मुलुकको प्रधानमन्त्री बनेका छन्र । जेन–जी आन्दोलनको जग र युवा पुस्ताको चाहनाबमोजिम बालेनले मुलुकको नेतृत्व लिएका हुन । बालेन जनआन्दोलन २०४६÷४७ पछिको लोकतान्त्रिक व्यवस्थामा सबैभन्दा कम उमेरमा प्रधानमन्त्री हुने नेता समेत भए । उनी २०४७ साल वैशाख १४ गते काठमाडौंको नरदेवीमा जन्मिएका हुन ।

संसद्मा झन्डै दुई तिहाइ बहुमत प्राप्त रास्वपाका संसदीय दलका नेताको हैसियतमा उहाँलाई राष्ट्रपति रामचन्द्र पौडेलले संविधानको धारा ७६(१) अनुसार आज बिहान प्रधानमन्त्रीमा नियुक्त गरेका हुन । नियुक्तिलगत्तै मध्याह्न १२ः३४ बजे शुभ साइतमा बालेनले पद तथा गोपनीयताको शपथ लिए। शपथ समारोहलाई परम्परा, संस्कृति र राष्ट्रिय एकताको अद्वितीय संगमका रूपमा भव्य बनाइँएकाे थियाे।

समारोहमा ७ वटा शंखबाट शंखनाद, १०८ बटुकद्वारा स्वस्ति शान्ति वाचन, १०८ लामाद्वारा मंगल पाठ तथा १६ भिक्षुबाट अष्टमंगल पाठ गरिएकाे थियाे ।