कैलाली / कैलालीकाे खक्राेला नाकामा रहेकाे शसस्त्र प्रहरीको गणमै छिरेर स्थानीय युवा तथा ब्यापारीले डीएसपीसहितका प्रहरीमाथि कुटपिट गरेका छन ।
टिकापुरस्थित खक्रौला भन्सार नजिकै रहेको सशस्त्र प्रहरी बल नेपाल सीमा सुरक्षा गुल्म हेडक्वार्टरमा अवैध सामान नियन्त्रणमा लिएपछी विवाद भएको हो ।
स्थानीय व्यापारीले भारतबाट ल्याएको सामान सशस्त्र प्रहरीले बरामद गरेको थियो । सोहीबारे गुल्ममा टीकापुर उद्योग वाणिज्य संघको टोली समेतको सहभागितामा छलफल भएकाे थियाे । छलफल सकिएपछि स्थानीय युवा र केही ब्यापारी गुल्ममै छिरेर हातपातमा उत्रिएका हुन ।
गुल्मभित्र छिरेकाे अनियन्त्रित भीडले सशस्त्र प्रहरी नायब उपरीक्षक प्रदीप पालमाथिसमेत हातपात गरेका छन् ।
घटनापछि गुल्ममा कार्यरत डीएसपी पौडेल बाहेक सिंगो टोलीलाई जिल्ला तान्ने निर्णय भएको छ ।
सशस्त्र प्रहरी बल नेपाल नम्बर ३४ गण हेडक्वार्टर कैलालीले डीएसपी पालबाहेक ३१ जना सशस्त्र प्रहरीको टोली नयाँ पठाउन लागिएको जनाएको छ ।
प्रतिक्रिया लेख्नुहोस्:-