पोखरा / काठमाडौंमा पेस्तोलसहित एक जना पक्राउ परेका छन् । चन्द्रागिरी नगरपालिका २ नागढुङ्गा स्थित चेक प्वाइन्टमा जेचजाँचको क्रममा पेस्तोलसहित एक युवा पक्राउ परेको प्रहरीले बताएको छ ।
चितवनबाट काठमाडौं तर्फ जाँँदै गरेको बा १९ च ६९० नम्बरको कारलाई नागढुङ्गाबाट खटिएको प्रहरी टोलीले चेकजाँच गर्दा एक थान पेस्तोल र चार राउण्ड गोलीसहित ३० वर्षिय केयुर पुरिलाई प्रहरीले पक्राउ गरेको हो ।
उनले कारमा कालो रङको झोला भित्र लुकाई छिपाई पेस्तोल र गोली राखेका थिए ।
उक्त सवारी साधन सहित जिल्ला काठमाडौं, कीर्तिपुर नगरपालिका २ बस्ने पुरीलाई पक्राउ गरि प्रहरीले थप अनुसन्धान अघि बढाएको छ ।
प्रतिक्रिया लेख्नुहोस्:-