पोखरा / काठमाडौंका विभिन्न स्थानहरूमा रातको समयमा घरको ताल्चा फुटाई सुन, चाँदी, नगद तथा विद्युतीय सामग्री चोरी गर्ने तीन जनालाई प्रहरीले पक्राउ गरेको छ।
जिल्ला प्रहरी परिसर काठमाडौं तथा विभिन्न प्रहरी कार्यालयहरूमा प्राप्त उजुरीका आधारमा गरिएको खोजतलासका क्रममा उनीहरूलाई मिति माघको २४ गते नियन्त्रणमा लिइएको हो। पक्राउ परेका व्यक्तिहरू काठमाडौं महानगरपालिका–४ चप्पल कारखाना क्षेत्रमा रहेको काठमाडौं महानगरपालिकाका पूर्व नगर प्रमुख बालेन्द्र साहको डेराकोठामा मिति माघ१६ गते भएको चोरी घटनामा समेत संलग्न रहेको प्रहरीले जनाएको छ।
पक्राउ पर्नेमा ४२ वर्षीय मनिष राजवाहक, ४६ वर्षीय खिम बहादुर खड्का र ४५ वर्षीय संजय श्रेष्ठ रहेका छन्। उनीहरूबाट सुन–चाँदीका गहना, ल्यापटप, सिसिटिभी क्यामेरा, राउटर तथा अन्य विद्युतीय तथा निर्माण सामग्रीहरू बरामद गरिएको छ।
प्रहरीले उनीहरूलाई काठमाडौं जिल्ला अदालतबाट छ (६) दिनको म्याद थप अनुमति लिई थप अनुसन्धान गरिरहेको जनाएको छ।
प्रतिक्रिया लेख्नुहोस्:-