पोखरा / काठमाण्डौ लैनचौर स्थित युरो एसिया एजुकेसन कन्सल्ट प्रालीको संचालक सुर्य बहादुर डाँगी ठगी आरोपमा पक्राउ परेका छन ।
उदयपुर जिल्ला त्रियुगा न.पा. वडा नं. ६ जलजले घर भई हाल काठमाण्डौ का.म.न.पा. वडा नं. १० पुरानो बानेश्वर बस्ने ३५ वर्षका सुर्यले अन्तर्राष्ट्रिय डलरकार्ड मार्फत भुक्तानी गर्दा सहज हुने भन्दै आफ्नो खातामा रकम हाल्न लगाएर ठगी गरेको प्रहरीले बताएको छ ।
प्रहरीका अनुसार डाँगीले अमेरिका, क्यानडा, अस्ट्रेलिया, युके लगायतका राष्ट्रमा कलेज शुल्क र विमाको भुक्तानी डलर कार्डबाट गराउने भन्दै रकम असुलेका थिए ।
आफ्नो कम्पनीको नाममा रहको बैंक खातामा रकम जम्मा गर्न लगाएर सम्बन्धित विश्वविधालय र विमा कम्पनीलाई भुक्तानी नगरेपछी पिडितहरुले उनी विरुद्ध ठगी गरेको भन्दै प्रहरीमा उजुरी दिएका हुन ।
संचालक डाँगीले विभिन्न व्यक्तीबाट गरि २६ लाख ८ हजार ५६५रुपैयाँ ठगी गरेको काठमाडौ उपत्यका अपराध अनुसन्धान कार्यालयका सूचना अधिकारी प्रहरी उपरीक्षक काजी कुमार आचार्यले जानकारी दिए ।
उनलाई पुस ७ गते जिल्ला काठमाण्डौ का.म.न.पा. वडा नं.२ लैनचौरबाट गरी थप अनुसन्धान तथा आवश्यक कारवाहीको लागि जिल्ला प्रहरी परिसर भद्रकाली काठमाण्डौ पठाईएको आचार्यले जानकारी दिए ।
उनको साथबाट प्रहरीले विभिन्न कम्पनीका ल्यापटप ३ वटा, २ वटा मोबाइल, युरो एसिया एजुकेसन कन्सल्टेन्सीको छप १, हाइड्रो हस्पिटालिटि एण्ड होल्डिङ कम्पनीको छाप १,हब रिक्वारिमेन्टको छप १, सुर्य स्टिलर्स रियलस्टेट कम्पनीको छप १ सहित विभिन्न कागजपत्रहरु ५५ वटा बरामद भएको छ ।
प्रतिक्रिया लेख्नुहोस्:-