नवौं दीप साँझको तयारी तिब्र

पोखरा / पोखरा महानगरपालिका १६ स्थित दीप युनाइटेड क्लबको आयोजनमा हुने दीप साँझ सांगीतिक कार्यक्रमको तयारी तिब्र पारिएको छ ।

सांगीतिक क्षेत्रको प्रबद्र्धन गर्दै पोखरा १६ सेती मार्गमा पार्कमा आवश्यक संरचना थप गर्नका लागि साँझको आयोजना गर्न लागिएको हो ।

क्लबका उपाध्यक्ष अर्जुन (रोसन) गुरुङले क्लबले सामाजिकसंगै खेलकुद र मनोरञ्जनको क्षेत्रमा विभिन्न कार्यहर गर्दै आइरहेको बताए ।

क्लबको हाताभित्र रहेको पार्कमा विभिन्न संरचना आवश्यक रहेको र ति संरचना निर्माणका लागि आर्थिक सहयोग जुटाउनका लागि सांगीतिक कार्यक्रमको आयोजना गर्न लागेको सुनाए ।

‘क्लबले आफ्नै स्वामित्वमा रहेको दिप युनाइटेड पार्क निर्माण गरेका छौं । हामी यसलाई अझ आकर्षक बनाउने र सुविधान सम्पन्न बनाउने हाम्रो योजना हो त्यसैले दीप साँझको आयोजना गरेका हौं’ उनले भने ।

कार्यक्रमबाट आम्दानी भएको रकमले क्लबले वार्षिक रुपमा गर्दै आइरहेका विभिन्न सामाजिक कार्यहरुमा समेत खर्च गरिनेछ ।

कार्यक्रममा त्रिसरा गुरुङ, जोन्स दि लोकल्स, दि सिक्टीन वर्डसको प्रस्तुति रहनेछ । कार्यक्रमको प्रवेश शुल्क भिआइपीतर्फ तीन हजार रुपैयाँ रहेको छ ।

यस्तै अन्य टिकट शुल्क एक हजार र दुइ हजार रुपैयाँ रहेको छ ।
कार्यक्रम आयोजना गर्न २६ लाख ७५ हजार रुपैयाँ खर्च लाग्ने आयोजकको अनुमान रहेको छ । क्लबले हरेक वर्ष विभिन्न सामाजिक कार्यक्रमहरु गर्दै आइरहेको छ ।