पोखरा / कास्कीमा दिन दहाडै लुटपाट भएको छ । गएको
मंगलबार माछापुच्छ्रे गाउँपालिका ६ ठुलोकुनामा ८२ वर्षीया बृद्वालाई लछारपछार गरि गहना लुटिएको हो ।
मंगलबार ३ बजेर ४० मिनेटको समयमा ग ६ प ५१८२ नम्वरको स्कुटरमा आएका तीन जना युवाहरुले डर देखाई लछार पछार पारी निजले दुबै कानमा लगाएको सुनको रिङ र हातमा लगाएको पित्तलको बाला चोरी गरी भागेका थिए।
सोही दिन ४ बजेर ५५ मिनेटको समयमा पोखरा १९ पुरनचौरमा ६५ वर्षीया वृद्वाले लगाएको गहना समेट लुटिएको छ ।
घटनामा संलग्न ५ जनालाई प्रहरीले पक्राउ गरेको हो ।
पक्राउ पर्नेमा कास्कीको मादी गाउँपालिका ०६ तप्राङ घर भई हाल पोखरा महानगरपालिका १ भिमकाली पाटन बस्ने बस्ने २१ वर्षीय सुशील नेपाली, पोखरा २३ घर भइ भिमकाली पाटन बस्ने २७ वर्षीय आशिष नेपाली सुनार, पोखरा २३ का १८ वर्षीय विजय पराजुली र २१ वर्षीय अस्मिता नेपाली तथा मुस्ताङ थासाङ गा.पा. वडा नं. २ घर भई हाल पोखरा म.न.पा. १ बाघबजार बस्दै आएका ५३ वर्षीय तुल बहादुर विश्वकर्मा रहेका छन ।
उनिहरुको साथबाट सुन जस्तो देखिने पहेँलो रंगको धातुको डल्लो २४ लाल ९ प्वाईन्ट, हातमा लगाउने एक तोला ५ लालको सुन जस्तो देखिने बाला थान २ वटा, कानमा लगाउने रिङ ४५ लालको २ वटा र ६० हजार रुपैयाँ मात्र रहेको छ ।
यस्तै ग६ प ५१८२ नम्वरको स्कुटर र ३ वटा मोबाइल समेत बरामद भएको छ ।
घटनामा चोरीएका गहनाहरु आशिष नेपाली सुनारको कोठामा लुकाइ राखेको अवस्थामा बरामद गरिएको प्रहरीले बताएको छ ।
चोरीएका गहना आशिष नेपाली सुनार र उनको श्रीमती अस्मिता नेपालीले १ जोर रिङ मुक्तिनाथ सुनचाँदी पसलमा लगेर बिक्री गरेका थिए ।
उक्त सुनचाँदी पसलमा अनुसन्धान तथा खानतलासी गर्दा निज आशिष र अस्मिताले बिक्री गरेको १ जोर कानमा लगाउने रिङ खरिद गरी उक्त रिंग पगाली डल्लो पारी प्लास्टिकमा राखेको अवस्थामा बरामद भएको हो ।
प्रहरीका अनुसार घटनाको अनुसन्धान गर्दा चोरी कार्यमा सुशिल नेपाली, विजय पराजुली, आशिष नेपाली संलग्न रहेको र चोरिएका सामान बिक्री बितरण गर्ने कार्य अस्मिता नेपाली र तुल बहादुर विश्वकर्माले गर्ने गरेका थिए ।
प्रतिक्रिया लेख्नुहोस्:-