पोखरा / खेलकुद र सामाजिक क्षेत्रमा क्रियाशिल दिप युनाइटेड क्लबको दशौं साधारणसभा सम्पन्न भएको छ ।
दशौं साधारणसभाले सचिवमा किरण आचार्यलाई समेत नियुक्त गरेको छ ।
पोखरा महानगरपालिका वडा नम्बर १६ का वडाध्यक्ष अमृत शर्मा तिमिल्सिनाले साधारणसभाको उद्घाटन गर्दै क्लबले अब वडाका नागरिकलाई अभिमुखिकरण गर्ने किसिमका योजना अघि ल्याउनुपर्ने बताए ।
समाज परिवर्तन गराउनमा पोखराको पुरानो मध्येको एक दिप युनाइटेडको भूमिका महत्वपूर्ण रहेको सुनाउँदै क्लबको आफ्नो उदेश्यलाइ सद्यैँ अघि बढाउनुपर्नेमा जोड दिए ।
अब क्लबले स्थानीय नागरिकलाई स्वरोजगारमा जोड्न र खेलाडी विकास गर्नका लागि प्रशिक्षणहरु थाल्नुपर्ने र त्यसलाई वडाले सघाउने प्रतिबद्धता व्यक्त गरे ।
क्लबका संस्थापक अध्यक्ष मनकाजी गुरुङले क्लबले सामाजिक र खेलकुद क्षेत्रमा योगदान दिइरहेको सुनाए ।
उनले युवाहरुलाई एक बनाउने मुख्य थलो नै क्लब रहेको बताए । साधारणसभामा सचिव अनिल अधिकारी र कोषाध्यक्ष उषा कुमारी गुरुङले वार्षिक प्रतिवेदन प्रस्तुत गरेका थिए ।
सचिव अधिकारी कार्यव्यस्तताले बाहिर जानुपर्ने भएपछि सचिवमा सहसचिवलाई नियुक्त गरिएको हो ।
कार्यक्रममा बद्री गौतम, कोपिला आचार्यलगायतले आफ्नो धारणा राखेका थिए भने क्लबका सदस्य रेखा लम्सालले स्वागत मन्तव्य राखेकी थिइन भने कार्यक्रम सञ्चालन सहसचिव किरण आचार्यले गरेका थिए ।
प्रतिक्रिया लेख्नुहोस्:-