पोखरा । लामाचौर तीज महोत्सव अवसरमा आयोजना हुने अन्तर मावि छात्रा भलिबल प्रतियोगिताको टाइटल स्पोन्सर सम्बन्धमा सम्झौता भएको छ ।
आयोजक नवआदर्श सामुदायिक विकास समाज र एक्सपर्ट एजुकेशन एण्ड भिसा सर्भिसेजबीच उक्त सम्झौता भएको हो । सम्झौतापत्रमा आयोजकतर्फबाट अध्यक्ष दिनेश भण्डारी र कन्सल्टेन्सीतर्फबाट पोखराका शाखा प्रमुख सलि देवान र बिजनेस डेभलपमेन्ट म्यानेजर विष्णुप्रसाद गौतमबीच सम्झौतापत्रमा हस्ताक्षर भएको हो ।
चिप्लेढुंगास्थित पोखरा टे«ड मलको पहिलो र दोस्रो तलमा कार्यालय रहेको उक्त कन्सल्टेन्सीले अष्टे«लिया, युके, यूएस, क्यानडा र न्यूजिल्याण्डमा विद्यार्थी पठाउँदै आएको छ । नवआदर्श सामुदायिक विकास समाजले संस्थाको आगामी भदौ ८ देखि १० गतेसम्म २९ औं वार्षिकोत्सव समारोह एवं २७ औं लामाचौर तीज महोत्सव गर्दैछ । लामाचौरस्थित इन्द्रराज्यलक्ष्मी मावि परिसरमा हुने उक्त कार्यक्रममा विविध सांस्कृतिक एवं खेलकुदका गतिविधि हुने छन् । अन्तरमावि छात्रा भलिबलसहित लामाचौर कप खुला पुरुष भलिबल प्रतियोगिता यहाँको प्रमुख आकर्षण हो ।
प्रतिक्रिया लेख्नुहोस्:-