भारतीय हिन्दू अन्धराष्ट्रवादी पुँजीपतिपन्थी शासनसत्ताले समय समयमै माओवादी आन्दोलनमाथि ’अप्रेशन ब्ल्याक हन्ट’ र ’अप्रेशन कङ्गार’ नामका दमनात्मक कार्यक्रम सञ्चालन गर्दै आएको सर्वविदित छ । हालै, भारतीय सुरक्षाफौजले भारतीय माओवादी कमाण्डर डा. संजय दीपक र उनका सातजना सहकर्मीहरूलाई घेराबन्दी गरी हत्या गरेको थियो । यो घटनाले भारतीय प्रतिक्रियावादी राज्यद्वारा माओवादीहरूलाई सख्त दमन गर्ने कामको निरन्तरता दर्शाउँछ ।
नेपाल कम्युनिस्ट पार्टी (माओवादी) का महासचिव विज्ञप्ति जारी गर्दै डा. संजय दीपक र उनका सहकर्मीहरूप्रति क्रान्तिकारी श्रद्धाञ्जली अर्पण गर्दै यो जघन्य घटनाको घोर निन्दा र भत्र्सना गरेका छन् । उनले भारतीय सत्ताले माओवादी पार्टीहरूलाई अवैध घोषणा गर्दै व्यापक धरपकड, कारावास, अमानवीय यातना र हत्या गर्नु गैरलोकतान्त्रिक र मानवअधिकार विरोधी कार्य भएको बताएका छन् ।
महासचिव गोपालले भारतीय सत्ताको यस बर्बर र हत्यारा प्रवृत्तिको घोर विरोध गर्दै भारतीय माओवादीहरूलाई समर्थन र ऐक्यबद्धता व्यक्त गरेका छन् । उनले जनमुक्तिका महान सपना बोकेको भारतीय माओवादी आन्दोलनको विजय अनिवार्य छ भन्ने विश्वास व्यक्त गरेका छन् ।
यो घटनाले भारतीय सत्ताले जनताको न्यायपूर्ण आन्दोलनलाई संवाद र समाधानको बाटोबाट होइन, दमनको अस्त्र प्रयोग गरेर थिच्न खोजेको स्पष्ट देखिन्छ । यसप्रकारका दमनात्मक कार्यहरू लोकतान्त्रिक मूल्य र मानवअधिकारको उल्लङ्घन हुन्, जसको अन्तर्राष्ट्रिय स्तरमा पनि निन्दा हुनु आवश्यक छ ।
प्रतिक्रिया लेख्नुहोस्:-