सिरहा — सिरहाको बरियारपट्टी गाउँपालिका-३ स्थित नेपाल-भारत सीमा क्षेत्रबाट एक चिनियाँ नागरिकलाई भारतीय सशस्त्र सीमा बल (एसएसबी) ले पक्राउ गरेको छ । एसएसबीले चिनियाँ नागरिक यू सिचाओलाई पक्राउ गरी भारत लगेको हो ।
शुक्रबार दिउँसो उनीसँगै दुई नेपाली नागरिकलाई पनि एसएसबीले पक्राउ गरी लगेको थियो । तर, नेपालीलाई भने राति फिर्ता पठाइएको जिल्ला प्रहरी कार्यालय, सिरहाले जनाएको छ ।
फिर्ता पठाइएका बरियारपट्टीकै डा। सञ्जित दास र मुकेश दासलाई आवश्यक सोधपुछका लागि बोलाइएको सिरहाका प्रहरी प्रमुख अनन्तराम शर्माले बताए । पक्राउको कारणबारे त्यसपछि मात्रै खुल्ने उनको भनाइ छ ।
नेपाल नागरिक डा.सञ्जित चिनियाँ नागरिकको साथी भएको बुझिएको छ । उनी चीनबाट एमबीबीएस पढेका हुन् । पढ्न गएकै बेला उनीहरूबीच चिनजान भएको प्रहरी स्रोतको भनाइ छ ।
प्रतिक्रिया लेख्नुहोस्:-