प्रभुका विश्वासीहरू धुमधामसँग क्रिष्मस मनाउँदै

पोखरा। वचन देहधारी भई परमेश्वर स्वयम पुत्रको रूपमा सम्पूर्ण मानवजातिको पाप क्षमा एवं उद्धार र मुक्तिको निम्ति पृथ्वीमा जन्मनु भएको दिनको रूपमा आज विश्वासीहरू धुमधामसँग येशुको जन्मदिन मेरी क्रिष्मस मनाईरहेका छन।

नेपाल सरकारले पनि आज ईसाई समुदायलाई सम्मान स्वरूप सार्वजनिक विदा दिएको छ। विश्वभरका चर्च तथा विश्वासीजन र समुदायले आजको दिनलाई ठूलो पर्वको रूपमा मनाउने गर्छन।

बाईबलमा लेखिए अनुसार परमेश्वरले आफुले आफ्नै स्वरूपमा सृष्टि गरेको मानिससँग यस्तो प्रेम गर्नुभयो की, आफ्नो एकमात्र पुत्र अर्थात छोरा बलिदान दिनुभयो ताकी ऊ माथि विस्वास गर्नेले जान अञ्जान गरेका सबै पापहरूबाट क्षमा पाओस् र नष्ट नभई अनन्त जीवन प्राप्त गरोस् । बाईबल बताउँछ पापको सजाँय मृत्यू हो, मृत्यू त्यो मृत्यू जुन शारिरिक होईन आत्माको हो,जो नर्क जान्छ र कष्ट सहन्छ।

हिन्दुशास्त्र पनि बताउँछ मानिसको शरिर मरेपछि आत्मा उसको कर्म अनुसार स्वर्ग वा नर्क जान्छ । त्यसैले जिउँदो छँदै राम्रो धर्म र कर्म गर्नुपर्छ । त्यसैले मानिसहरू शास्त्रमा लेखिएको नियम अर्थात व्यवस्था अनुसार यसो गर्नुपर्छ, उसो गर्नुपर्छ, यो गर्नु हुँदैन र त्यो गर्नु हुँदैन भन्दै विभिन्न दान, धर्म, बलि, यज्ञहवन, पूजापाठ र तीर्थव्रत गर्ने गर्छन ताकी शरिर छोडेपछि नर्क होईन स्वर्ग जान पाईयोस्। हुन त स्वर्ग यो र यस्तै छ भनेर कसैले दावा गर्न सकेको छैन। बाईबल भन्छ, शास्त्र अर्थात व्यवस्था अनुसार मानिसले जत्तिसुकै आफुले आफुलाई धर्मी बनाउन प्रयास गरोस् तर धर्मी बन्न सक्दैन । किनकी सैतान वा दुष्टआत्मा अर्थात राक्षसले एउटा न एउटा पापमा फसाएरै राख्छ र मान्छे चुक्छ। जस्तो की कामक्रोध, लोभमोह, अहंकार, घमण्ड, रिसडाह, ढाँटछल, नकरात्मकसोच, व्याभिचार, हत्याहिंसा, चोरी लुटपाट, बलात्कार, बहुविवाह, बालविवाह, धेरै उमेरान्तर विवाह, भ्रष्टाचार, दमन, विभेद, अनादर, घुषखोरी आदि ईत्यादी । यि सबैलाई सैतान वा दुष्टआत्माको काम भनिएको पाईन्छ । यसमा मानिसको कुनै संलग्नता हुदैन, मात्र उसलाई कुनै न कुनै लोभमोहमा फसाईएको हुन्छ। येशु यि सबैका खातिर कुमारी मरियमको गर्भबाट जन्मियो, आफुलाई सांसारिक कुराबाट अलगराखि सत्य वचन बोल्यो कि पश्चताप गर, प्रायश्चित गर। बदलामा उसले गिल्ला सह्यो, कोर्रा खायो तरपनि सबैको भलो चाह्यो र निष्खोट बलिका रूपमा सारा मानिसको पापको सट्टामा क्रुशमा झुण्ड्यायो, तेस्रो दिनमा फेरी जिवित भयो, उसले आफ्नो उद्धेश्य पुरा गर्यो। किनकी ऊ पृथ्वीमा दुष्टआत्माबाट सबैलाई बचाउन र उसमा विस्वास गर्नेको पाप क्षमा, उद्धार तथा अनन्त जीवन दिनका लागि मात्र आएको थियो। विश्वासीहरू उनै जिउँदो शहिद, जो अनन्तसम्मै अमर छन भन्ने विश्वाससहित पिता, पुत्र र पवित्र आत्माको महिमा गर्दै मेरी क्रिष्मस पर्व मनाउदै आईरहेका छन।

हिजो आज अन्य आस्थाका मानिसहरूले पनि क्रिष्मसलाई धार्मिक सहिष्णुताका रूपमा मनाउने प्रचलन बढ्दै गएको छ। बुझेर होस वा नबुझेर केटाकेटीदेखि ठुलाबडाले समेत खानपिन र रमाईलो गरि यो पर्व मनाउन थालेका छन। वास्तवमा यसको अर्थ सोचे भन्दा निकै गहिरो छ। अन्य मानिसहरूले यसको बाहिरी आवरणलाई देखेर विषेश त यो पर्व साण्टाक्लस र क्रिष्मस ट्रीको रूपमा मनाउछन। साण्टा एक प्रख्यात पाष्टर थिए र उनी सबैलाई उपहार बाँड्दै हिड्थे।