पोखरा । पोखरा उद्योग बाणिज्य संघको औद्योगिक व्यापार मेला औद्योगिक भन्दा व्यापारमा बढी केन्द्रित रहेको विज्ञ्यहरूले बताएका छन।
पोखराको व्यापारिक घरानियाहरूको वर्चस्व रहेको पोखरा उद्योग बाणिज्य संघ, पूर्णतया अस्वस्थ प्रतिस्पर्धामा उत्रेको देखिएको छ। औद्यौगिक व्यापार मेलाको नाममा नाफा बाहेक अन्य उद्धेश्य नरहेको दर्शकहरूले प्रतिकृया दिएका छन।
संघको पनि यस्तै नियत प्रष्ट देखिएको छ।
बाहिर २० देखि २५ रूपैयाँ पर्ने १ लिटर पानी पनि मेलामा ३० रूपैयाँ पर्छ भने कल्पना गर्नुस अन्य सामानको मूल्य कति होला रु नाम नबताउने सर्तमा एक दर्शकले बताए, मेला भनेपछि बाहिर भन्दा भित्र सस्तो हुनु पर्ने होईनरु उनको प्रश्न थियो।
यस्तै पाराले मेला आयोजना गर्दै जाने हो भने एक दिन नाम मात्रको मेला रहने उनले बताए।
संघले औद्योगिक व्यापार मेलाको नाम दिएतापनि खासै आन्तरिक औद्योगिक उत्पादनलाई स्थान दिईएको पाईएन। मेला हेर्न आएका दर्शकले स्थानियस्तरमा उत्पादन भएका सामानहरू किन्न त परै जाओस् देख्न समेत पाएका छैनन्।
किन यस्तो भएको भन्ने प्रश्नमा एक स्टल संचालकले भने, एक त स्टल बुकिङ दर महङ्गो छ, अर्को अस्वस्थ प्रतिस्पर्धा चलाईएको छ।
कतिपय कुरा सुन्दा र देख्दा सानो भएतापनि दैनिक जिवन तथा किचनमा स्वास्थ्य र परिवारसँग महत्वपूर्ण योगदान दिनेखालका हुन्छन्, जस्तोकी गुन्द्रुक, अर्गानिक मसला, तरकारी, मास, यार्सागुम्बा, डोको, मुढा, नाङलो आदि अन्य स्वदेशी उत्पादन। जस्ले घरेलु उत्पादन र उद्योगलाई समेत प्रतिनिधित्व गर्छ र दर्शकको आकर्षणलाई समेत बढाँउछ, अर्का एक दर्शकले बताए।
मेलाले आन्तरिक उत्पादनलाई भन्दा बाहिरी उत्पादनलाई बढी महत्व दिईएको पाईन्छ, यस्ले पनि स्पष्ट हुन्छकी मेला कुन उद्धेश्यतर्फ उन्मुख छ।
मेलाका स्टलहरू महङ्गा हुनाले साना तथा घरेलु उत्पादन र उद्योगहरूले ठाउँ पाएका छैनन् , अर्कोतर्फ टिकटदर घट्ला भन्दा बढ्दो छ, जस्को परिणाम स्वरूप निम्न आय भएका दर्शकहरुको पहुँच भन्दा मेला धेरै टाढा छ ।
मेला भनेको सबैको लागि हैन र ? यसतर्फ मेला आयोजकले बेलैमा ध्यान नदिए एकदिन मेला नाम मात्रको मेला हुनेछ र यस्तो मेला आयोजना गर्नुको कुनै तुक रहने छैन।
प्रतिक्रिया लेख्नुहोस्:-