पोखरा । पोखरा महानगपालिका ३२ फेदीका दिर्घबहादुर श्रेष्ठ अहिले ९० वर्षका पुगे । उनलाई पछिल्लो समयमा दम र सुगर बढेको उनका छोरा बलबहादुर श्रेष्ठ बताउँछन् । डाक्टरले दिर्घ बहादुर श्रेष्ठलाई धेरै धुवा धुलोमा बस्न नहुने सुझाव दिएका छन् । तर आजभोली दिर्घ बहादुर धुवाँमा बस्दिन भनेर सुखै पाउदैनन् । उनको घर भन्दा केही टाढा पोखरा ३२ र रुपा गाउँपालिका ५ को सिमना कडुजेमा अलकत्रा पकाउने वा प्रशोधन गर्ने मेसिन राखिएको छ । उक्त मेसिनले प्रशोधन गर्ने क्रममा निस्कने धुवा उनको घरसम्म आउँछ । उक्त धुँवाबाट कसैगरेपनि छुटकारा पाउन उनी सकिरहेका छैनन् ।
एकातिर विकासका पूर्वाधार सडक संजालको कालेपत्रे गर्ने कामका लागि अलकत्रा प्रशोधन गरिदैँछ भने अर्का तिर सोहि अलकत्राका कारण स्थानीयको स्वास्थ्यमा ठुलो संकट आइलागेको छ ।
प्रसोधन गर्ने ठाउँ नजिकै पोखरा ३२ का विन्धलाल श्रेष्ठले फर्निचर चलाउदै आएका छन् । श्रेष्ठले धुवाको कारण उक्त फर्निचरमा काम गर्न समस्या परेको उनी बताउँछन् । ७० भन्दा बढी घर धुरीमा यसले प्रत्यक्ष असर गरिहेको छ । रुपा गाउँपालिका र पोखरा ३२ को वडा कार्यालयमा उक्त विषयबारे गुनासो गर्दा सुनुवाइ नभएको श्रेष्ठले द:ुखेसो पोखें ।
पोखरा ३२ का राजेन्द्र बसौला पनि यसबाट पिडित भएका बताउँछन् । प्रशोधन गर्ने मेसिनले फालेको धुवाले वातावरण प्रदुषण भएको बताउँछन् ।
पोखरा महानगरपालिका ३२ र रुपा गाउँपालिका ५ को सिमना फेदीका वरिपरि टारिकुना, डाडागाम डोटेलकुना आँपुखोला ढोडबेंसी बेतेनी लगायतका ठाउँका बासिन्दा विगत १ वर्ष अघि देखि आफ्नो घरमा पनि राम्रोसंग बस्न पाएका छैनन् ।
कारण हो वातावरण प्रदुषण । फेदी नजिकै कडुजेमा अहिले बाटो पिच गर्ने क्रममा प्रयोग हुने अलकत्रा पकाउने वा प्रशोधन गर्ने काम गर्दै आएको छ । उक्त प्रशोधन केन्द्र पोखरा महानगरपालिका १४ चाउथेंमा पहिला राखिएको थियो उक्त ठाउँमा स्थानीयले बिरोध गरेपछी पोखरा ३२ मा सारिएको हो ।
पानीको मोटर हालेको र पानीबाट संचालन गर्ने क्रममा धुवा कम आउने । कहिँलेकाँही पानीको मोटर बिग्रदाँ धुवा धेरै निस्कन सक्ने बताए ।
फेवा कन्ट्रसनका विभाग प्रमुख विरेन्द्र थापा मगरले समस्याको बारेमा बुझेर समाधान गर्ने बताए ।
प्रतिक्रिया लेख्नुहोस्:-