विजय नेपाली
शहिद स्मारक एडिभिजन लिग फुटबल प्रतियोगिता नेपालको एकमात्र लिग हो । नेपालको ठूला फुटबल प्रतियोगिता माठमाडौंमै मात्र सिमित रहिरहँदा पहिलो पटक ‘मोफसल’मा प्रवेश पाएको छ ।
लिगको इतिहासमा पहिलो पटक मोफसलमा लिग जाँदै गर्दा पोखरामा रहेको फु्टबल मोहलाई यसले थप उर्जा दिएको छ ।
पोखराको फुटबलमा ठूला क्लबको खेल हेर्न पाउने भनेको आहारारा गोल्डकप मात्रै हो । त्यो बाहेक पोखरामा ठूला क्लबको प्रतिस्पर्धा देख्न र हेर्न विरलै पाइने गरेको छ ।
अब भने पोखरामा पनि लिगका खेल प्रत्यक्ष हेर्न पाउने भएको हो । लिग अन्तरगतको पाँचौं चरणको खेलमा मनाङमस्र्याङ्दी क्लबले नेपाल पुलिस क्लबसंग भिड्दै छ ।
खेलबारे पोखरामा बुधबार पात्रकार सम्मेलनमार्फत जानकारी दिदैँ अखिल नेपाल फुटबल संघ (एन्फा)का उपाध्यक्ष उपेन्द्रमान सिंहले लिग मोफसलमा पुग्ने पहिलो प्रयास रहेको सुनाए ।
लिग कमिटि संयोजक सञ्जीव मिश्रले पोखरामा हुने खेलले लिगलाई मोफसलले समेत अपनत्व लिन खोजेको सन्देश दिने बताए ।
मनाङमस्र्याङ्दी क्लबका सदस्य विजय घलेले पोखरा आफुहरुको घरेलु मैदान भएकाले दर्शको साथ पाउँनेमा विस्वस्त देखिन्छन् ।
‘हामीले पोखरामा दर्शकको माया पाउँछौ । यो हाम्रो घरपनि हो । पोखरामा नै सबैभन्दा बढि दर्शकको साथ छ । त्यसैलेपनि हामिलाई खेल जित्नैपर्ने दबाब पनि रहिआएको छ ’ उनले भने ।
कास्की जिल्ला फुटबल संघ भने लिगखेल पोखरामा आउनुनै ठुलो रुपमा लिइरहेको छ । संघका अध्यक्ष मिलन गुरुङले लिगका खेल पहिला नै पोखरा आउनुपर्ने भएपनि नआएको र अहिले आउँदा फुटबलको ठुला खेल पोखरामा सम्भव सुरुवात भएको बताए ।
प्रतिक्रिया लेख्नुहोस्:-