पोखरा, २ भदौ । प्रधानमन्त्रि शेरवहादुर देउवा नेतृत्वको सरकारले दल विभाजन सम्बन्धि अध्यादेश अध्यादेश ल्याएपछि पोखरामा विरोध गरिएको छ ।
केपी शर्मा ओली पक्षका युवा संघ नेपालले पोखरामा अध्यादेश विरुद्द आन्दोलन गरेका हुन् । पोखराको मानवअधिकार चोकदेखि महेन्द्रपुलसम्म भएको विरोध ¥यालीमा केहि समय बल प्रयोग समेत भएको थियो ।
सरकारी जिपलाई आन्दोलनकारीले रोक्ने क्रममा युवासंघले ढुङ्गा प्रहार गर्दा आफ्नै कार्यकर्ता शिव पराजुली घाइते भएका छन् । उनको टाउकोमा चोट लागेको छ ।
जिल्ला प्रहरी कार्यालय कास्कीका निमित्त प्रवक्ता एवम् प्रहरी निरिक्षक दिपक केसीले त्यसतो केहि नभएको जानकारी दिए । उनले सरकारी कार्यालयको सवारीलाई सुरक्षित गन्तव्यमा पु¥याउन सुरक्षामात्र दिएको बताए ।
कोणसभामा बोल्दै राष्ट्रिय युवा संघका केन्द्रिय सचिव महेन्द्र गुरुङले अध्यादेश २४ घण्टा भित्र खारेज गर्न आग्रह गरेका छन् । उनले अध्यादेश फिर्ता नभए आन्दोलन चर्काउने चेतावनी दिए ।
यस्तै युवा संघ गण्डकीका अध्यक्ष हरी लम्सालले युवा संघको आन्दोलनमा प्रहरी हस्तक्षेप भए प्रतिकारमा उत्रिने चेतावनी दिए ।
प्रतिक्रिया लेख्नुहोस्:-