हस्पिटल चोकको प्रहरीको भवन परिर्वतन नेपालले निर्माण गर्ने

पोखरा १५ असार । महानगरपालिका ११ हस्पिटलचोकमा रहेको प्रहरी विटको बाहिर तपाइको सुरक्षा हाम्रो चाहाना लेखिएको छ । बाहिरबाट हेर्दा आरसिसि भवन सुरक्षित पनि छ । तर केही वर्ष अघिबाट नै प्रहरी सुरक्षीत भएर बसेको महसुश गर्न भने पाएका छैनन ।
किनभने बाहिरबाट हेर्दा जति बलियो छ आरसिसि भवन भित्र उनी नै असुरक्षीत छ । केही वर्ष अघिबाट ढलानको छतको केही भाग खसेको छ । भवनमा ठुलाठुला चिरा परेको हुँदा उक्त भवनमा ढुक्क संग बस्न प्रहरी सक्दैनन् ।

ढलान गरेको छत भएपनि अलिकता ठुलो पानी पर्‍यो भने भवन भित्र नै पानी चुहिन्छ । यसको पुर्न निर्माणको जिल्लामा अहिले हाम्रो परिर्वतन नेपालले लिएको छ । हाम्रो परिर्वतन नेपालमा अध्यक्ष डाक्टर ढाकाकुमार श्रेष्ठले प्रहरी असुरक्षित भएर जनताको सुरक्षामा खटिन अप्ठ्यारो हुने बताए । उक्त प्रहरी विट पोखरा स्वास्थ्य विज्ञान प्रतिष्ठानको जग्गामा भएको कारण भवन निर्माणको लागि कुनै सरकारी बजेट नभएको कारण भवन निर्माणको लागि आर्थिक समस्या परेको छ ।

निर्माण समितिको अर्थ संयोजक अंर्शु शेर्पा, सदस्यमा लेखुराम खति, लेक्सन राना, जेस्पर गुरुङ, अनुस्का कौशल रहेकाछन् ।
सल्लाकार डाक्टर ढाकाकुमार श्रेष्ठ, हरि कार्की, प्रहरी हवल्दार मानबहादुर खत्री लयातका रहेका छन् । पुन निर्माणको क्रममा विटको ढकालानको छानो फालेरनयाँ राख्ने योजना रहेको छ । साथै संस्थाले अन्यलाई उक्त प्रहरी बिट पुर्न निर्माणमा सामाले हुन अनुरोध गरेको छ ।

उक्त बिटमा बस्ने प्रहरीले अहिलेसम्म भवन जीर्ण भएको दु:ख जिल्ला प्रहरी कार्यालय कास्की वडा पोखरा महानगरपालिका कार्यालय ११, १० र १३ लगायतलाई जानकारी गराएका छन् । एक प्रहरी स्रोतका अनुसार पटकपटक विभिन्न निकायमा भवनबारे जानकारी गराएपनि कहि कतैबाट सहयोग प्राप्त नभएको बताए ।
उक्त बिटमा १ हवल्दार ४ जवान गरी ५ प्रहरीको दरबन्दी रहेको छ । १ जवानको दरबन्दी खाली रहेर अहिले ४ प्रहरी बस्दै आएका छन् ।