पोखरा । त्रिवेणी बचत तथा ॠण सहकारी संस्था लिमिटेडको १२ औं वार्षिक साधारण सभा शनिबार पोखरामा सम्पन्न भएको छ।
सभाको राष्ट्रिय सहकारी बैकका शाखा प्रमुख नरेश पाण्डेले उद्घघाटन गर्दै दिर्घकालिन बचत र दायित्वतर्फ सहकारीले ध्यान दिनुपर्नेमा जोड दिएका थिए। बचतकर्तालाई आकर्षित गर्न प्रविधियुक्त सेवा सुविधा सञ्चालनमा ल्याउनेतर्फ छलफल शुरू गर्न सुझाव दिए। बैंकको एटिएम कार्ड जस्तै सहकारीको कोप कार्डको धारणा अघि सार्न सबै एकमत हुनु आजको आवश्यकता रहेको औंलाए ।
संस्थाका संस्थापक अध्यक्ष टीकाराम पौडेलले विगतका अनुभव र संघर्षका दिन बारे स्मरण गर्दै त्रिकोणात्मक संगमबाट त्रिवेणीको नामाकरण गरिएको बताए। सबैको सहयोग र सहकार्यबाट नै समृद्धि र विकास सम्भव हुने हुँदा सबैलाई संस्थाप्रति एकिकृत हुन उनले आग्रह समेत गरे।
कार्यक्रममा भोलानाथ पौडेल शर्मा, सागर कार्की र संगित लामिछाने लगाएतले बोलेका थिए। सभाले प्रस्तुत अध्यक्ष, कोषाध्यक्ष र सचिवको प्रतिवेदन पारित गरेको थियो।
सो अवसरमा उत्कृष्ट बचतकर्ता र सफल व्यवसायी तथा जेष्ठ नागरिकलाई सम्मानपत्र एवं मायाको चिनोद्वारा सम्मान गरिएको छ। सम्मानीत हुनेहरूमा सन्तोषी कोईराला, शान्ति कुमारी रिमाल, संगिता भण्डारी, देवी प्रसाद मुल्मी, रोशनी गुरूङ, सुनमाया पुन, रविन गुरूङ, टिका कुमारी चोखा, राधिका केशरी, राजेन्द्र हिताङ, दिपक शेरचन, पर्वत महतो, विनोद सन्चिति र सफल व्यवसायी ज्ञानु कुमारी मल्ल तथा जेष्ठ नागरिक रूद्र कुमारी गिरी रहेका छन।
संस्थाका अध्यक्ष संगिता पौडेलको अध्यक्षतामा सम्पन्न कार्यक्रमको सात सिद्धान्त वाचन अप्सरा लम्साल स्वागत कोषाध्यक्ष कमलराज पौडेल र सञ्चालन व्यवस्थापक विश्वराज अधिकारीले गरेका थिए ।
प्रतिक्रिया लेख्नुहोस्:-