काठमाडौं । तनहुँ, आँबुखैरेनी गाउँपालिका २ मार्किचोकस्थित सडकमा ना ७ ख २४७८ नम्बरको ट्रकमा बा ३ ख २७१६ नम्बरको माईक्रो ठक्कर खाई बिहीबार बिहान दुर्घटना हुँदा माईक्रोमा सवार स्याङजा हरिनास गाउँपालिका २ बस्ने ५५ वर्षीया लालुमाया थापाको मृत्यु भएको छ । दुर्घटनामा गम्भीर घाइते भएकी उनको हाड जोर्नी अस्पताल आँबुखैरेनीमा उपचारको क्रममा मृत्यु भएको हो । दुर्घटनामा घाइते भएका माईक्रोमा सवार अन्य २ जनाको भरतपुर अस्पतालमा उपचार भइरहेको छ । उक्त माईक्रो बा ४ ख १४०३ नम्बर र ग १ ख ९१०३ नम्बरको माईक्रोमा समेतलाई ठक्कर खाई दुर्घटना भएको थियो । ३ वटै सवारी साधन र चालकलाई प्रहरीले नियन्त्रणमा लिएको छ । मोरङ, सुन्दरहरैचा नगरपालिका ७ गोठगाउँस्थित सडकमा को ३७ प ३२०९ नम्बरको मोटरसाइकलको ठक्करबाट पैदलयात्री सोही नगरपालिका ७ बस्ने ६५ वर्षीय बल बहादुर कार्कीको बिहीबार बिहान मृत्यु भएको छ । ठक्करबाट गम्भीर घाइते भएका उनको न्यूरो अस्पताल बिराटनगरमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ ।
चितवन, ईच्छाकामना गाउँपालिका ३ फिस्लिङस्थित सडकमा ना ४१ प ५४८ नम्बरको मोटरसाइकल र बागमती प्रदेश ०३-००१ च १६८२ नम्बरको बोलेरो गाडी एकआपसमा ठक्कर खाई बिहीबार बिहान दुर्घटना हुँदा मोटरसाइकल चालक जर्मनी नागरीक ६० वर्षीय ःMichael Meyer Olbersleben को मृत्यु भएको छ । दुर्घटनामा गम्भीर घाइते भएका उनको लागि नयाँ मेडीकल कलेज भरतपुरमा उपचारको क्रममा मृत्यु भएको हो । साथै दुर्घटनामा घाइते भएका बोलेरोमा सवार १ जनाको सोही अस्पतालमा उपचार भइरहेको छ । बोलेरो चालकलाई प्रहरीले नियन्त्रणमा लिएको छ ।
नवलपरासी(पश्चिम), बर्दघाट नगरपालिका ४ स्थित सडकमा ना ६ ख ३३३० नम्बरको ट्रकको ठक्करबाट बर्दघाट नगरपालिका ६ बेतानी बस्ने ४५ वर्षीय टिकाराम भट्टराईको बिहीबार दिउँसो मृत्यु भएको छ । ठक्करबाट गम्भीर घाइते भएका उनको सामुदायिक अस्पताल चिसापानीमा उपचारको क्रममा मृत्यु भएको हो । ट्रक र चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया लेख्नुहोस्:-