नयाँबजार बस्दै आएकी अस्मिता लिम्बु सोमबार मोरङ जाने तरखरमा थिइन् । उनले बसको समेत टिकट काटेकी थिइन् घर जानका लागि घर जानुभन्दा अघिल्लो रात उनी आफ्नो दिदीसँग पोखरा ९ नयाँबजारमै चलिरहेको राष्ट्रिय औधोगिक व्यापार मेलामा घुम्न गइन् ।
घर जानेभएपनि उनकी दिदी रविना मगरसहित अर्की एक छिमेकीसँगै मेला घुम्न गइन् । बेलुका करिब ६ बजेको समयमा उनीहरु घरबाट निस्किएर गए । मेला हेर्न पोखरा प्रदर्शनी छिरेपछि उनीहरु घुम्दै चर्खेपिङ (रोटेपिङ) नजिक पुगे ।
पिङ खेल्ने इच्छा भएपनि सुरुमा बन्द भएकाले उनीहरु फर्किनै लागेका थिए । तर पिङ खेल्न आउनेको संख्या बढेपछि पिङ सुचारु भयो उनीहरुलाई पिङमा टिकट काट्न बसेकाले बोलाए त्यसपछि उनीहरु खेल्न पुगे ।
पिङले पहिलो घुमाइ गरेर दोस्रो घुमाइ गर्नेबेलमा उनीहरु खसे । खसेर ३ जना घाइते भए । जसमध्ये अस्मिताको अवस्था भने गम्भिर रहेको छ । ‘कान्छि (अस्मिता) भोली घर जाने त्यहिभएर आज (आइतबार राति) मेला हेर्न जाने भनेर आयौं ।’
अस्मिताकी दिदी रुविना मगरले भनिन् । रुविना छोरी च्याप्दै शनिबार समेत मेला अवलोकन गर्न पुगेकी थिइन् ।
आइतबार भने बहिनीलाई घुमाउनका लागि उनी सहित कोपिला बानियाँ पनि महोत्सव हेर्न पुगेकी थिइन् । रुविना र कोपिला भने सामान्य नै छन् । रुविनाले पिङको डब्बा छड्के भएर अर्को डब्बालाई छुइसकेको सुनाइन् ।
सिधा रहको डब्बाको नट फुस्किएपछि छड्के भएको उनी सुनाउछिन् । ‘हामी बसेको डब्बाले अर्को डब्बा छुइसकेको थियो कोल्टे परेर । त्यसपछि माथि पुग्यो अनि हामी झरेको हो । खसेपछि मलाई केही थाहा भएन् । हामी चार जना थियौं । एकैचोटी बाहिर गेटमा ल्याएपछि मात्रै थाहा भयो’ उनले भनिन्, ‘हामी घरबाट ढिला गएका थियौं ।
हिजो पनि नानीलाई (छोरी) लिएर एक्लै गएकी हुँ घुमेर आए । कान्छि(अस्मिता) भोली (सोमबार) घर जानेभनेर आज घुमुन त भनेर भन्यो अनि हामी मेला हेर्न आयौं ।’ सुरुमा बन्द भनेर आफुहरु फर्किन खोज्दा पिङ चल्छ भन्दै बोलाएपछि फर्किएको उनले बताइन् ।
‘सुरुमा बन्द भएको भनेर सोध्दा मान्छे छैन् भन्यो फर्किन लाग्दा आउनु आउनु भनेर बोलाएर टिकट काट्न लगायो अनि हामीले टिकट काटेम’ उनले सुनाइन्, ‘एक राउन्ड मात्रै घुमेको थियो । रोक्दै मान्छे चढाउँदै गरेको थियो ।
अर्को राउन्डमा त लडिहाल्यो । केहि थाहा भएन् । दशा लाग्यो ।’ पिङबाट लडेकी कोफिला बानियाँले पिङ बन्द हुन लागेपनि धेरै खेल्ने आएपछि सुचारु भएको सुनाइन् । उनले पिङको नट फुस्किएकाले दुर्घटना भएको सुनाइन् ।
‘हामी ६ बजेटिर मेला गएका थियौं । त्यहाँ पिङ खेल्दा पिङको नट फुस्किएर अनि लडेको’ उनले भनिन्, ‘मेला बन्द भएको थिएन् । पिङपनि बन्द हुन लागेको जस्तो थियो । हामी फर्किन लागेका थियौं पछि धेरै मान्छेहरु आएपछि आउनु टिकट काट्छौं भनेर बोलाएपछि हामी गयौं ।’
जिल्ला प्रहरी कार्यालय कास्कीका प्रवक्ता प्रहरी निरीक्षक ज्ञानबहादुर खड्काले अस्मिता लिम्बु, रविना मगर र कोपिला बानियाँ पिङबाट खसेको जानकारी दिए । तिन जनामध्ये अस्मिताको अवस्था गम्भिर रहेको उनले बताए ।
‘मोरङ घरभई हाल नयाबजार बस्दै आउनुभएको अस्मिता लिम्बुको अवस्था गम्भिर छ । अन्य दुई जना सामान्य नै छन्’ खड्काले भने ।
स्थानीय दिलमाया गुरुङले ठेकेदारको गल्तिका कारण दुर्घटना निम्तिएको बताइन् ।
उनले मेलमा राखिएको पिङ राम्रोसँग फिट नहुदा दुर्घटना भएको सुनाइन् । उनले मेलालाई सफल बनाउन सबैले सहयोग गर्नुपर्ने बताउँदै सुरक्षाका विषयलाई गम्भिरतापुर्वक लिनुपर्नेमा जोड दिइन् ।
दुर्घटना लापरवाहिकै कारण भएको र यसले मेलाको बारेमा नकरात्मक सन्देश गएको सुनाइन् ।
प्रतिक्रिया लेख्नुहोस्:-