पोखरामा होटल संचालकको रहस्यमय मृत्यु, नजिकै रहेको होटलमा किन पुगे ग्राहक बनेर

पोखरा / पोखराको बागलुङ बसपार्कस्थित एक होटलको तीन तलाबाट हाम फालेर घाइते भएका म्याग्दीका ४० वर्षीय हेमबहादुर पुनको मृत्यु भएको छ।
प्रहरी स्रोतका अनुसार असोज २८ गते राति ९ बजेर ४० मिनेटमा पोखरा महानगरपालिका–२ स्थित म्याग्दी देवीस्थान होटलका सञ्चालक पुन म्याग्दी लिंगदेली होटलमा ग्राहक बनी पुगेका थिए ।
मादक पदार्थ सेवन गरेको अवस्थामा होटलको तीन तलाबाट हाम फालेका थिए।
घटनामा घाइते भएका उनलाई उपचारका लागि पोखरा–गैरापाटनस्थित फिस्टेल अस्पताल पुर्‍याइएको थियो। अस्पतालमा उपचारका क्रममा राति १ बजेर ३० मिनेटमा चिकित्सकले उनलाई मृत घोषणा गरेको प्रहरीले जनाएको छ।
मृतक पुन म्याग्दीको मालिका गाउँपालिका निवासी हुन्। घटनाबारे थप विवरण खुल्न बाँकी छ।