पोखरा / बुधबार विहान खोटाङमा हेलिकप्टर दुर्घटना भएको छ । युकेमा मृत्यु भएकी मनमछी राईको शव लिएर खोटाङ पुगेको एयर डाइनेस्टीको ९एन–एएफक्यू हेलिकप्टर अवतरणको क्रममा दुर्घटना भएको थियो । काठमाडौंबाट बिहान ११ बजे पाँच जना यात्रु बोकेर उडेको हेलिकप्टर अवतरण गर्ने क्रममा केपिलासगढी गाउँपालिका–२ खार्ताम्छाको बालाबेसीमा ११ बजेर ५१ मिनेटमा दुर्घटनामा परेको हो ।
दुर्घटनामा एक जना यात्रु सामान्य घाइते भएका छन् । काठमाडौं घर भएका काजीबहादुर राईको दाहिने खुट्टामा सामान्य चोट लागेको केपिलासगढी गाउँपालिका–२ का वडाध्यक्ष मिलनकुमार राईले बताए । उनका अनुसार हेलिकप्टरमा नागमणि राईका आफन्तहरू सवार थिए । उनकी श्रीमती मनमछी राईको यूकेमा मृत्यु भएको थियो । नेपालमा अन्तिम संस्कारका लागि ल्याइएको थियो ।
प्रतिक्रिया लेख्नुहोस्:-