सुरेशराज अधिकारी
/ तनहुँको शुक्लागण्डकी नगरपालिकास्थित विभिन्न ठाउँमा तीन वटा शव फेला परे ।
घटनामा संलग्न रहेका अभियोगमा कुमार नेपाली सार्की पक्राउ परे ।
उनलाइ गएको मंगलबार पक्राउ गरिएको हो ।
पक्राउ परेका कुमारले तीन जनाको हत्या गर्न प्रयोग गरेको चक्कु आफैंले देखाएका थिए । हत्या पछि झाडिमा फालिएको चक्कु तनहुँ प्रहरीले विधिविज्ञानमा परिक्षणको लागि पठाएको छ ।
यतिबेला हत्या गर्दा कुमारले लगाएको कपडा प्रहरीले खोजीरहेको छ । कुमारले भने हत्या गर्दा लगाएको कपडा प्रहरीलाई देखाएका छन् । तर सोही कपडा लगाएर हत्या गरेको प्रहरीका अनुसन्धान अधिकारीहरु मान्न तयार छैनन् ।
किनभने कुमारले देखाएको कपडामा रगत लागेको छैन । कुमारले हत्या गर्दा लगाएको कपडा साह्रै फोहोर भएको कारण पनि रगत देखिन गाह्रो भएको छ । कपडामा रगत नदेखिदाँ बलियो प्रमाण नभएको अनुसन्धान अधिकारीको भनाइ छ । कपडा गोबरले लतपतिएको कारण रगत नदेखिएको हुनसक्ने प्रहरीको भनाइ छ ।
कुमार नेपाली मृतककै साथि भएको प्रहरी स्रोतको दाबी छ । उक्त दिन मादक पदार्थ सेवन गरेर सबै बसेका थिए । उनिहरु बिच समान्य भनाभन भएको थियो । सोही भनाभन भएपछि कुमाले मृतक नारनलाई मुख छाडेका थिए ।
त्यसको रिसमा आफुले साथीको हत्या गरेको कुमारले प्रहरी सामु प्रारम्भिक बयान दिएका छन् । नारायणको पछि अन्य साथीहरूको हत्या गरेको कुमारको बयान छ ।
कुमारले हत्या गर्न प्रयोग गरेको चक्कु पनि अनुसंधानमा खटिएका प्रहरीलाई देखाएका छन् । गत शनिबार शुक्लागण्डकी नगरपालिका–५ कसेरीस्थित फोहरमैला प्रशोधन केन्द्र नजिक दुई र सोही वडाको जनकल्याण मावि नजिकको जंगलमा एक शव फेला परेको थियो ।
मृतक मध्ये २ जनाको सनाखत भएपनि १ जनाको अझै हुन सकिरहेको छैन् । उनको नाम थाहा भएपनि ठेगाना थाहा हुन नसक्दा पहिचान खुल्न नसकेको हो । मृत्यु हुनेमा शुक्लागण्डकी नगरपालिका–११ पाल्पालीछापका ४१ वर्षीय नारायण विक र भीमाद नगरपालिका–८ भागरकी ५८ वर्षीया देउमाया थापा रहेका छन् ।
प्रतिक्रिया लेख्नुहोस्:-