काठमाडौं / ‘प्रदेश हटाइ प्रत्यक्ष निर्वाचित प्रधानमन्त्री भएको सनातन महान अधिराज्य नेपाल बनाउनका लागि पुस ३०’, ‘नेपाललाई फेरी महान बनाउनका लागि पौष ३० बालुवाटार’ यस्तो मेसेज पछिल्लो समय नेपाल टेलिकपको सिम भएकाहरुको मोबाइलमा आएको छ ।
नेपाल टेलिकममा पहुँच पु¥याइ अनधिकृत म्यासेज पठाउने एक जनालाई प्रहरीले पक्राउ गरेको छ । उक्त मेसेजमा एउटा नम्बर सहित निर्देश सेढाइ नाम समेत छ । सोही नाम भएको व्यक्तिलाई प्रहरीले पक्राउ गरेको हो ।
उनले राजावादी आन्दोलनमा सहभागी हुन भन्दै अनधिकृत म्यासेज पठाइ रहेका छन् । व्यक्तिगत डाटाको गोपनियता नै भंग हुने किसिमले टेलिकमबाट त्यस्तो मेसेज आएपछि प्रहरीले सेढाइलाई पक्राउ गरेको हो ।
उनले काठमाडौं उपत्यका अपराध अनुसन्धान कार्यालयको टोलीले पक्राउ गरेको प्रहरीले बताएको छ । प्रहरीका अनुसार प्रहरीसँगको बयानमा सेढाइले अहिलेको सरकारले राम्रो काम नगरेकाले विरोधस्वरुप म्यासेज पठाएको बताएका छन् ।
नेपाल टेलिकमको गेट वे प्रयोग गरी एटी अलर्टको नाममा एकैपटक ५० लाख मानिसलाई उनले म्यासेज गरेका थिए । गाडी व्यवसायमा संलग्न व्यापारी सेढाइले काठमाडौं र चितवनमा गाडी स्वरुम तथा पेट्रोल पम्प चलाइरहेका छन् ।
प्रतिक्रिया लेख्नुहोस्:-