काठमाडौं महानगरपालिकाका मेयर बालेन शाह केन्द्र सरकार अर्थात् सिंहदरबारमाथि निशाना साधिरहन्छन्। उनी हरेक प्रधानमन्त्रीमाथि कटाक्ष गर्थे। सबैभन्दा बढी कटाक्षमा पर्ने नेता हुन् एमाले अध्यक्षसमेत रहेका प्रधानमन्त्री केपी शर्मा ओली।
न्यूरोडमा फुटपाथ विस्तारमा केन्द्र सरकारले हस्तक्षेप गर्दा पनि बालेनले ओलीलाई प्रश्न गरेका थिए, त्यतिखेर ओली प्रधानमन्त्री थिएनन्। त्यसपछि गिरीबन्धू टिइस्टेट कम्पनीदेखि एमाले नेतृ रेखा शर्माको विषयमा ओलीमाथि बालेन प्रहार भइरहे।यसको असर अहिले आएर देखिएको छ।
काठमाडौं महानगरपालिका साढे दुई महिनादेखि प्रमुख प्रशासकीय अधिकृत विहीन छ। तत्कालीन प्रमुख प्रशासकीय अधिकृत सरोज गुरागाईँलाई बालेनले भ्यु टावर प्रकरणमा निलम्बन गरेपछि निमित्तको भरमा चलेको थियो। तर,निमित्तले पनि राजीनामा दिएपछि बालेन संकटमा परे। आर्थिक कारोबारसमेत रोकिएको छ।
पालिकामा प्रमुख प्रशासकीय संघले खटाउछ।
केही दिन अघि मा संघीय मामिला तथा सामान्य प्रशासनमन्त्री राजकुमार गुप्ताले महानगरले चाँडै प्रमुख प्रशासकीय पठाउने बताएका थिए। ‘अब काठमाडौं महानगर लगायत प्रमुख प्रशासकविहीन भएका महानगर, उपमहानगरहरूमा पठाउँछौँ । महानगर मेरो पनि हो। संघीय मामिला मन्त्रालयको त्यो एउटा कार्यालय हो। मेयरसाब को हुनुहुन्छ, त्यो पछिको कुरा हो।
काठमाडौं महानगर मेरो कार्यालय हो । त्यहाँ प्रमुख अधिकारी पठाउने काम मेरो हो,’ उनले भनेका थिए।सोमबार बसेको मन्त्रिपरिषद्ले ७८ सहसचिवको सरुवा गरेको छ, जुन विवरण बिहीबार सार्वजनिक भयो।
सरकारले इटहरी, हेटौंडा, जितपुर सिमरा र जनकपुर उपमहानगरपालिकामा सहसचिव पठाउँदा काठमाडौं महानगरमा पठाइएन।संघीय मामिला तथा सामान्य प्रशासनमन्त्री गुप्ताले सरुवा गरेर पठाएको मान्छे जान नमानेकाले केही दिन ढिला भएको जिकिर गरे। महानगरमा एकजना सहसचिवलाई सरुवा गरिए पनि अन्तिम समयमा जान नमानेको उनको तर्क छ
यसअघि निलम्बनमा परेका सरोज गुरागाईँको पनि सरुवा भएको छैन, उनी निलम्बनमा रहेपनि काठमाडौं महानगरमै छन्। उनी गत भदौमा उद्योग वाणिज्य तथा आपूर्ति मन्त्रालयबाट महानगर गएका थिए। पुरानो बसपार्कस्थित ‘काठमाडौं टावर’को प्रक्रिया पूरा नगरी भवन निर्माणको नक्सा स्वीकृत गरेको बालेनले उनीमाथि लगाएर निलम्बन गरिएको थियो। व्यवसायी मनोज भेट्वालद्वारा निर्माणाधीन काठमाडौं भ्यू टावरको नक्सा पास नवीकरण गर्दा अनियमितता गरेको भन्दै बालेनले प्रमुख प्रशासकीय अधिकृत गुरागाईँलाई कारवाही सिफारिस गरेका थिए।
महानगरले छानबिन गर्न समिति बनाएको थियो। समितिका संयोजक पूर्वन्यायाधीश शेखरकुमार पौडेलले समेत राजीनामा दिएपछि पछिल्लोपटक पूर्वशिक्षासचिव शंकर पाण्डेको संयोजकत्वमा छानबिन समिति बनेको छ। उक्त छानबिन समितिले प्रतिवेदन दिएको छैन। छानबिनबाट कुनै निष्कर्ष नआएसम्म गुरागाईंको महानगर फर्किने अवस्था छैन । यो अवस्थामा गुरागाईं भने सामान्य प्रशासन मन्त्रालयसँग सरुवा मागिरहेका छन्। बालन प्रमुख प्रशासकीय मागिरहेका छन्।
प्रतिक्रिया लेख्नुहोस्:-