काठमाडौं, बारा, सुनसरी, कैलाली, सुर्खेत र दाङको विभिन्न स्थानबाट लागुऔषध सहित विभिन्न व्यक्ति नेपाल प्रहरीले पक्राउ गरेको छ ।
काठमाडौं महानगरपालिका-१६ बालाजु बाईपास बस्ने २१ वर्षीय रोजेश मगरलाई नियन्त्रित लागूऔषध नोर्फिन १५ एम्पुल, फेनारगन १५ एम्पुल र डाइजेपाम १५ एम्पुल सहित सोमबार राति प्रहरीले पक्राउ गरेको छ । प्रहरी वृत्त बालाजुबाट खटिएको प्रहरीले उनको कोठाबाट उक्त लागूऔषध फेला पारी पक्राउ गरेको हो ।
बारा, जीतपुरसिमरा उपमहानगरपालिका-१ पथलैयाबाट अवैध लागूऔषध गाँजा करिब १० किलो ५ सय ग्राम सहित मकवानपुर हेटौंडा उपमहानगरपालिका-१५ बस्ने ३७ वर्षीय सुर्य पाख्रीनलाई सोमबार दिउँसो प्रहरीले पक्राउ गरेको छ । प्रहरी चौकी पथलैयाबाट खटिएको प्रहरीले नारायणघाटबाट वीरगंजतर्फ जाँदै गरेको ना.४ ख ७१६५ नम्बरको बसमा सवार उनलाई उक्त गाँजा सहित पक्राउ गरेको हो ।
सुनसरी, धरान उपमहानगरपालिका-१६ पुलचोक बस्ने २० वर्षीय निशान तामाङलाई नियन्त्रित लागूऔषध ट्रामाडोल १ सय ८२ ट्याब्लेट र स्पास्पेन १ सय ८२ ट्याब्लेट सहित सोमबार दिउँसो प्रहरीले पक्राउ गरेको छ । अस्थायी प्रहरी चौकी जोरसखुवाबाट खटिएको प्रहरीले उनको कोठा तलासी गर्ने क्रममा उक्त लागूऔषध फेला पारी पक्राउ गरेको हो ।
कैलाली, धनगढी उपमहानगरपालिका-२ ब्यारेलबाट अवैध लागूऔषध खैरो हेरोइन जस्तो देखिने पदार्थ ५ ग्राम १ सय मिलिग्राम सहित २ जनालाई सोमबार साँझ प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-५ बस्ने १९ वर्षीय विनोद गिरी र बाजुरा बुढीगंगा नगरपालिका-४ बस्ने २३ वर्षीय दिपेन्द्र खाती रहेका छन् । जिल्ला प्रहरी कार्यालय कैलाली र प्रहरी चौकी त्रिनगरबाट खटिएको प्रहरीले डोके बजारबाट धनगढीतर्फ जाँदै गरेको सु.प.प्र.०१-०१२ प ७४९५ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो ।
यसैगरी कैलाली, धनगढी उपमहानगरपालिका-१९ लल्लिपुरबाट अवैध लागूऔषध ब्राउनसुगर जस्तो देखिने पदार्थ करिब ९ सय ३० मिलिग्राम सहित सोही ठाउँ बस्ने २७ वर्षीय उपेन्द्र रावल समेत २ जनालाई सोमबार दिउँसो प्रहरीले पक्राउ गरेको छ । इलाका प्रहरी कार्यालय बहुलियाबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
यसैगरी कैलाली, धनगढी उपमहानगरपालिका-१२ बि गाउँबाट अवैध लागूऔषध खैरो हेरोइन जस्तो देखिने पदार्थ ८ सय ५० मिलिग्राम सहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-१२ ए गाउँ बस्ने ३५ वर्षीय शेर बहादुर भण्डारी र २१ वर्षीय आशिष ढाट रहेका छन् । अस्थायी प्रहरी पोष्ट जुगेडा समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
सुर्खेत, वीरेन्द्नगर नगरपालिका-११ सुब्बाकुनाबाट अवैध लागूऔषध ब्राउनसुगर जस्तो देखिने पदार्थ १ ग्राम ८ सय १० मिलिग्राम सहित सोही नगरपालिका-११ बस्ने २२ वर्षीय किरण बादीलाई सोमबार राति प्रहरीले पक्राउ गरेको छ । प्रहरी चौकी सुब्बाकुना र लागूऔषध नियन्त्रण ब्यूरो शाखा कार्यालय सुर्खेतबाट खटिएको प्रहरीले उनलाई उक्त पदार्थ सहित पक्राउ गरेको हो ।
दाङ, तुल्सीपुर उपमहानगरपालिका-७ शिवनगरबाट अवैध लागूऔषध ब्राउनसुगर जस्तो देखिने पदार्थ १ ग्राम ३ सय ७० मिलिग्राम सहित २ जनालाई सोमबार साँझ प्रहरीले पक्राउ गरेको छ । पक्राउ पर्नेहरूमा बबई गाउँपालिका-६ बस्ने २४ वर्षीय जिबन राज खत्री र २० वर्षीय अभिषेक चौधरी रहेका छन् । इलाका प्रहरी कार्यालय तुल्सीपुरबाट खटिएको प्रहरीले तुल्सीपुरबाट गोठीखोलातर्फ जाँदै गरेको रा.२ प १७८० नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो ।
प्रतिक्रिया लेख्नुहोस्:-