रविलाई ६५ लाख धरैटीमा छाड्न आदेश

सहकारीको रकम अपचलनको मुद्दामा पक्राउ परेका पुर्वगृहमन्त्री एवम् राष्ट्रिय स्वतन्त्र पार्टी (रास्वपा) का सभापति रवि लामिछाने संग ६५ लाख धरैटी माग गरिएको छ । उनलाई धरैटीमा छाड्न जिल्ला अदालत कास्कीका न्याधिन नितिज राईले धरैटीमा छाड्न आदेश दिएका हुन ।
रविविरुद्ध कास्की प्रहरीले सहकारी ठगी, संगठित अपराध र सम्पत्ति सुदृढीकरण मुद्दा लागेको छ ।

कात्तिक २ गते काठमाडौंबाट पक्राउ परेका पहिलोपटक कात्तिक ४ गते म्याद थप गरेर अनुसंधान अघि बढाइएको थियो ।

कास्की प्रहरीको हिरासतमा रहेका पूर्व गृहमन्त्री तथा राष्ट्रिय स्वतन्त्र पार्टीका सभापति रवि लामिछाने विरुद्ध कास्की जिल्ला अदालतमा अभियोग पत्र पुष ७ गते दर्ता भएको थियो । उनीमाथी २७ कारेड बिगो मागदावी गरिएको थियो । पोखराको सूर्यदर्शन सहकारीको रकम अपचलन गरेको अभियोगमा लामिछाने सहित पूर्वडीआईजी एवं गोर्खा मिडियाका सञ्चालक छविलाल जोशी, नेचर हब्र्सका सञ्चालक रामबहादुर खनाल, लीला पछाई र सूर्यदर्शन सहकारीका सञ्चालक कृष्ण गुरुङ विरुद्ध आज मुद्दा दर्ता भएको थियो ।

उनीहरू विरुद्ध सहकारी ठगी, संगठित अपराध र सम्पत्ति शुद्धीकरणको कसुरमा मुद्दा दर्ता भएको हो । उनीहरूसँगै कुल ३१ जना विरुद्ध मुद्दा दर्ता भएको थियो ।

लामिछानेमाथि कास्की सहित रूपन्देही, काठमाडौं र पर्सामा समेत सहकारी ठगीको आरोपमा अनुसन्धान भइरहेको छ ।