काठमाडौं ।
काठमाडौं, चन्द्रागिरी नगरपालिका-२ नागढुङ्गाबाट अवैध लागूऔषध खैरो हेरोइन जस्तो देखिने पदार्थ २ ग्राम सहित मोरङ बेलबारी नगरपालिका-११ बस्ने २५ वर्षीय संगम निरौलालाई मंगलबार बिहान प्रहरीले पक्राउ गरेको छ । लागूऔषध नियन्त्रण ब्युरो शाखा कार्यालय नागढुङ्गा र प्रहरी प्रभाग नागढुङ्गाबाट खटिएको प्रहरीले इलामबाट काठमाडौंतर्फ आउँदै गरेको प्र.०१-००१ ख ४४८६ नम्बरको बसमा सवार उनलाई उक्त पदार्थ सहित पक्राउ गरेको हो ।
कञ्चनपुर, दोधारा चाँदनी नगरपालिका-२ हुनैनाथ टोल बस्ने ३९ वर्षीय सुन्दर सिंह साउँदलाई अवैध लागूऔषध चरेश ६० ग्राम सहित मंगलबार दिउँसो प्रहरीले पक्राउ गरेको छ । इलाका प्रहरी कार्यालय दोधारा चाँदनीबाट खटिएको प्रहरीले उनको पसल तलासी गर्दा उक्त चरेश फेला पारी उनलाई पक्राउ गरेको हो ।
सिराहा, धनगढीमाइ नगरपालिका-१४ सर्रे खोलाबाट अवैध लागूऔषध गाँजा करिब ५९ किलोग्राम सहित ४ जनालाई मंगलबार बिहान प्रहरीले पक्राउ गरेको छ । पक्राउ पर्नेहरूमा उदयपुर कटारी नगरपालिका-८ अहाले टोल बस्ने २६ वर्षीय मधु लाल थापा मगर, २७ वर्षीय निर बहादुर गुरूङ, नविन राना र धनगढीमाइ नगरपालिका-१४ गागन टोल बस्ने ४४ वर्षीय शेर बहादुर मगर रहेका छन् । जिल्ला प्रहरी कार्यालय सिराहा, इलाका प्रहरी कार्यालय लहान र अस्थायी प्रहरी पोष्ट पक्कीटोलबाट खटिएको प्रहरीले उनीहरूलाई उक्त गाँजा सहित पक्राउ गरेको हो ।
धनकुटा, साँगुरीगढी गाउँपालिका-६ भेडेटार चोकबाट अवैध लागूऔषध गाँजा करिब १६ किलोग्राम सहित २ जनालाई मंगलबार बिहान प्रहरीले पक्राउ गरेको छ । पक्राउ पर्नेहरूमा शहिदभुमि गाउँपालिका-७ बस्ने ३९ वर्षीय निकेन्द्र राई र उनकै श्रीमती ३० वर्षीया निशा राई रहेका छन् । इलाका प्रहरी कार्यालय भेडेटारबाट खटिएको प्रहरीले को.३३ प ९३०७ नम्बरको मोटरसाइकलमा सवार उनीहरूलाई उक्त गाँजा सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया लेख्नुहोस्:-