पोखरा ।
‘महोत्सव लेखनाथको संस्कृति, स्थानीय उत्पादन विकास र सम्मृद्धि’ भन्ने मूल नाराका लेखनाथ उद्योग वाणिज्य संघ र नेपाल उद्योग वाणिज्य महासंघको संयुक्त आयोजनामा भएको महोत्सव बिहीबार देखि सुरु भएको छ ।
१९ औं संस्करण सम्म भब्य सभ्य हुँदै आएको लेखनाथ महोत्सव २० औं संस्करणमा भने आलोचित बन्दै गएको छ ।
लेखनाथमा स्थानीय सन्दिप पौडेलले कन्सर्टको पैसा तिरेर लोकगीत सुनिदिनुपर्ने बाध्यता रहेको गुनासो गरेका छन् । लोकगीत सुन्नको लागि कन्सर्टकाे टिकट काटेर महोत्सवमा प्रवेश गर्नुपर्ने बाध्यता रहेको फेसबुमार्फत भनेका छन् । आयोजकले दर्शकलाई झुक्काएर चर्को शुल्क असुली गरेको आरोप छ ।
स्थानीय सुरज अधिकारीले लेखनाथ महोत्सवमा ट्रयाकमा गीत गाएर कन्सर्टको पैसा असुली गरेको गुनासो बढ्दै गएको बताए । अधिकारीको फेसबुक पोष्टबाट पनि थाहा हुन्छ कि आयोजकले दर्शकलाई झुक्याएर कसरी ठगी गर्दै छन् भन्ने ।
इलाका प्रशान कार्यालय लेखनाथ कास्कीका प्रमुख श्रीनाथ पौडेलले अनलाईनबाट नै उजुरी गर्न आह्वान गरे । उजुरी परेपछी प्रशासनले छानविन गरेर दोषीलाई कारवाही गर्ने बताए ।
लेखनाथ उद्योग वाणिज्य संघका अध्यक्ष विनोद श्रेष्ठलाई महोत्सवको कन्सर्ट भनेर दर्शक जाँदा लोकगीत गाएको गुनासो आएको छ भनेर हामीले प्रश्न गरेका थियौं । विभिन्न वहाना बनाएर उनी तर्किए । काम गर्नेको कमजोरीको कारण कन्सर्ट शब्द राखिएको भन्दै उनी तर्किए । सामाजिक सञ्जालमा पोष्ट गर्नेले गलत गरेको बताए ।
महोत्सवको दोस्रो दिनमा भनिएको कन्सर्टमा लोक गायक प्रकाश दुतराज र पप गायक सञ्जिव सि रानाले गीत गाएका थिए । उनीहरुले ट्रयाकमा गीत गाएपछी दर्शकको गुनासो बढेको हो । कतिपय दर्शकले महोत्सवमा आफुहरु ठगिएको आरोप लगाएका छन् ।
महोत्सवको तेस्रो दिनको पोस्टरमा लोक तथा आधुनिक गायिका रचना रिमाल पप गायक सुनिल गिरी हुन । उनीहरुको प्रस्तुति लाईभ कन्सर्ट हुन्छ कि इभेन्ट हुन्छ त्यो हेर्न बाँकी छ ।
के हो लाइभ कन्सर्ट भनेको
लाइभ कन्सर्टमा बाध्यबाधनका सामाग्री प्रत्यक्ष बजाइन्छ र त्यहाँ गायकले गीत गाउने गर्छन् । गितार, ड्रमसेट लगायतका बाध्यबाधनमा मानिस पनि चाहिने हुँदा लाइभ कन्सर्ट महंगो पर्ने हुन्छ । लाइभ कन्सर्टमा ट्रयाक वा अन्य गीतका धुन बजाइदैन । सोही कारण पनि लाइभ कन्सर्टमा प्रवेश शुल्क पनि महंगो नै पर्छ ।
शुक्रबार अर्थात लेखनाथ महोत्सव ट्रयाकमा गीत गाइएको थियो । कुनै कलाकारले कुनै गीतको ट्रयाक बजार त्यसको लयमा गीत गाउनेलाई इभेन्ट भन्ने गरिन्छ । शुक्रबार बेलुका लेखनाथ महोत्सवमा कन्सर्ट नभई इभेन्ट भएको कलाकारहरु नै बताउँछन् ।
महोत्सव १८ पुसदेखि १ माघसम्म सञ्चालन हुनेछ ।
प्रतिक्रिया लेख्नुहोस्:-