सरल नमूना बचत तथा ऋण सहकारीको बार्षिक साधरण सभा सम्पन्न

सरल नमूना बचत तथा ऋण सहकारी संस्थाको १७औं वार्षिक साधारण सभा सम्पन्न भएको छ।
सभामा संस्थाका अध्यक्ष निर्मल प्रसाद बास्तोलाले सञ्चालक समितिको तर्फबाट आव २०८०/०८१को वार्षिक प्रगति प्रतिवेदन तथा आव २०८१/८२ को लागि नीति तथा कार्यक्रम, लक्ष्य प्रस्तुत गरेका थिए। सस्थाको कोषाध्यक्ष रामप्रसाद लामिछानेले आव २०८०/ ०८१ को आर्थिक विवरण तथा आ व २०८१/८२ को अनुमानित बजेट प्रस्तुत गरेका थिए ।
संस्थाले बचततर्फ ७ करोड ४० लाख ५५ हजार ३ सय सतासी संकलन गरेको बताउँदैे वार्षिक कारोबार १२ करोड ५७ लाख ३८ हजार ३ सय ४२पुर्याउन सफल भएको जनाएको छ। त्यसै गरी संस्थाको जगेडा कोष ३२ लाख ५९ हजार ८ सय ७९ तथा अन्य कोष १२ लाख २६ हजार ५ सय सात रूपैयाँ रहेको जनाएको छ।
संस्थाले अन्य सहकारीको बीचमा नमुना सहकारीको रूपमा आफूलाई स्थापित गर्न सफल भएको संस्थाका कार्यकारी प्रमुख हरि पन्थिले जानकारी दिए।
जिल्ला सहकारी संघ कास्कीका माहासचिब दिपक राज बास्तोलाले अहिले सहकारीमा देखिएको समस्या, लगानीकर्ता तथा बचतकर्ताले सहकारी प्रती गर्नु पर्ने कर्तव्य र सजगताको बिषयमा बोल्नुभएको थियो। कार्यक्रममा उत्कृष्ट बचतकर्ता , उत्कृष्ट कारोबारि ,उत्कृष्ट बाल बचत र उत्कृष्ट कर्मचारीलाई सम्मान पत्र द्वारा सम्मान गरिएको थियो। कार्यक्रमको सन्चालन संस्थाका सचिब किरण अधिकारीले गरेका थिए भने स्वागत मन्तव्य संस्थाका उपाध्यक्ष राजेन्द्र गिरिले गरेका थिए।
कार्यक्रम पश्चात् सहकारी शेयर सदस्यहरुलाई बनभोज कार्यक्रम गरि विभिन्न खेल खेलाएर मनोरञ्जन दिने काम पनि गरेको थियो।