पोखरा । फेसबुकमा “राष्ट्रिय स्वतन्त्र पार्टीका निवर्तमान सांसद डा. ढाका कुमार श्रेष्ठलाई अज्ञात समूहले उनकै निवास अगाडी धारिलो हतियार प्रयोग गरी घाईते बनाएको र उनलाई उपचारको लागि मणिपाल शिक्षण अस्पताल लगिएको, अवस्था चिन्ताजनक रहेको डाक्टरबाट जानकारी, थप समाचार आउन बाँकी” भन्ने समेतको कुराहरु लेखी पोष्ट गर्ने स्याङ्ग्जाका सुर्य रेग्मी पक्राउ परेको जिल्ला प्रहरी कार्यालय कास्कीका सुचना अधिकारी डिएपी श्रवण कुमार विकले जानकारी दिए ।
उक्त पोष्टले आफुलाइ आत्म सम्मान माथी आघात पुर्या उने गरी भ्रम फैलाउने र जीउ ज्यानको सुरक्षामा समेत असर गर्ने खालको झुठ्ठा एंव अनर्गल प्रचार गरी भएको भन्दै ढाकाले उजुरी दिएका थिए । Surya Regmi नाम गरेको फेसबुक आईडीबाट भदौ २२ गते बेलुकी पोष्ट भएको थियो ।
स्याङ्ग्जा आँधीखोला गाउँपालिका ५ ठुलीबराहा बस्ने वर्ष ३५ को सुर्य बहादुर रेग्मीले प्रयोग गरेको देखिएकोले निजलाई नियन्त्रणमा लिई विद्युतिय कारोबार ऐन, २०६३ विपरितको कसूर (साईबर अपराध) अन्तर्गत थप अनुसन्धान प्रकृया अगाडी बढाईएको बिकले जानकारी दिए ।
प्रतिक्रिया लेख्नुहोस्:-