पोखरा । पछिल्लो समयमा नेपालका विभिन्न जिल्लामा आँखा पाक्ने सङ्क्रमण फैलिएको छ । यसको असर गण्डकी प्रदेका कास्की लगायतका जिल्लामा पनि परेको छ ।
गण्डकी प्रदेश सरकार सामाजिक विकास मन्त्रालय तथा स्वास्थ्य मन्त्री सुशीला सिंखडाले आफ्ना मातहतका स्वास्थ्य सम्बन्धी सबै संस्थालाई निर्देशन दिएकी छन् ।
उनले कुनै पनि स्वास्थ्य संस्थामा औषधी अभाव हुन नदिनको लागी योजना बनाएर अघि बढेको, स्थानीय तह र सङ्घ सरकारसँग समन्वय
राखी महामारी तथा आपतकालिन रोग नियन्त्रण गरेको र यसलाई निरन्तरता दिइने छ । एक हप्ता अघि देखि सङ्क्रमण रोकथामको लागी विभिन्न पहलहरू हुँदै आएको छ । बिरामीले औषधी उपचार पाउन पहुँच भन्दा बाहिर नराख्न उनले निर्देशन दिएकी छन् ।
यसरी अघि बढेको छ सङ्क्रमण रोक्ने प्रयास
सङ्क्रमण रोक्नको लागि तनहुँ स्वास्थ्य कार्यालय, दरबाङ स्वास्थ्य चौकी, म्याग्दीले आँखा शिविर, कास्कीका विद्यालयहरूमा चेतनामूलक कार्यक्रम र स्वास्थ्य कार्यालयमा नवलपुर मार्फत विभिन्न पालिका २ हजार थान आइ ड्रप सहयोग गरिएको छ ।
मध्यविन्दु जिल्ला अस्पताल नजलपुरमा नेत्र रोग विशेषज्ञ, म्यादी, कास्की, लमजुङ र तनहुँमा नेत्र रोग सहायक द्वारा सेवा दिइएको छ ।
आवश्यकता अनुसार विभिन्न ठाउँमा आँखा शिविर सञ्चालनमा हुँदै आएको र आवश्यकता अनुसार शिविर बढाउन सकिने मन्त्री सिंखडाले जानकारी दिएकी छन् ।
गोरखामा हिमालयन आँखा अस्पतालको समन्वयमा सेवा प्रदान गर्दै आएको मन्त्री सिंखडाले जानकारी दिइन । सङ्क्रमित १५ जनाको नमुना संरकलन गरेर राष्ट्रिय जनस्वास्थ्य प्रयोगशालामा पठाइएको छ ।
पोखराको चरक मेमोरीयल अस्पताल, हिमालयन आँखा अस्पताल साउन मसान्त सम्म निःशुल्क टिकटको व्यवस्था भएको, सङ्क्रमण रोकथामको लागि जनचेनामुलक सामाग्री सामाजिक सञ्जालमा राखिएको छ । सङ्क्रमण धेरै भएका पालिकामा विद्यालय बन्द गराउने र अनावश्यक घरबाट बाहिर ननिस्कन अनुरोध गरिएको छ ।
हालसम्म कास्की जिल्लामा ८ हजार ५ सय १३ जनामा सङ्क्रमण देखिएको छ । नवलपुरमा ५ सय ६०, पर्वतमा ४ सय, तनहुँमा ३ सय ६६, गोरखामा ३ सय ४२, स्याङ्जामा १ सय ५६, म्याग्दीमा १ सय १२, लमजुङमा ५३, मुस्ताङमा २८ र मनाङमा १५ जनामा सङ्क्रमण देखिएको छ ।
प्रतिक्रिया लेख्नुहोस्:-