लमजुङ । आदिवासी दिवसमा फलफूल वितरण २९ औं विश्व आदिवासी दिवसका अवसरमा लमजुङ अस्पताल लमजुङका विरामीलाई फलफूल वितरण गरिएको छ ।
नेपाल आदिवासी जनजाति महासंघ जिल्ला समन्वय परिषद लमजुङको आयोजनामा बुधवार फलफूल वितरण गरेको हो । लमजुङ अस्पतालमा विरामी भएर भर्ना भएका प्रसुती गृहदेखि वार्डसम्मका ५० जना विरामीलाई फलफूल गरिएको हो ।
आदिवासी दिवस र फलफूल वितरण कार्यक्रमका बारेमा छोटो मन्तव्य दिँदै महासंघ लमजुङका अध्यक्ष हरिजंग तामाङले भने । भारतीय राष्ट्रपति द्रोपदी मुर्मु आदिवासी भएकाले एसियामा आदिवासी जनजाति अगाडि देखिन्छन् । युरोप अमेरिका आफुलाई विकसित देश भन्छन् तिनीहरू कहाँ आदिवासी धेरै पछाडि परेका छन् ।
हामीले अझ हाम्रो भाषा, धर्म, संस्कृति, रीति रिवाज र पहिचानलाई शसक्त बनाउन सक्यौँ भने हाम्रो अधिकार र पहिचान उच्च स्थानमा कायम हुनेछ अध्यक्ष तामाङले बताए । छोटो औपचारिकता दिइएको सो कार्यक्रम सचिव यम बहादुर आलेले सञ्चालन गर्नुभएको थियो ।
कार्यक्रममा उपाध्यक्ष गणेश गुरुङ, ह्योल्मो समाजका अध्यक्ष जेवि लामा, जनजाति अगुवाहरू अजय तामाङ, इमानसिंह तामाङ लगायतको उपस्थिति रहेको थियो ।
प्रतिक्रिया लेख्नुहोस्:-