काठमाडौं । सिरहा, भगवानपुर गाउँपालिका-१ सिनुरियास्थित सडकमा स.७ प २१५९ नम्बरको मोटरसाइकल आफै अनियन्त्रित भई बिहीबार दिउँसो दुर्घटना हुँदा मोटरसाइकलमा सवार सोही गाउँपालिका-५ लालपुर बस्ने २५ वर्षीय पुजा कुमारी सिंहको मृत्यु भएको छ । दुर्घटनामा गम्भीर घाइते भएकी उनको सप्तऋषि अस्पताल लहानमा उपचारको क्रममा मृत्यु भएको हो । साथै दुर्घटनामा घाइते भएकी मोटरसाइकलमा सवार १ जनाको सोही अस्पतालमा उपचार भइरहेको छ ।
कैलाली, जानकी गाउँपालिका-३ नयाँ लायकपुर शिविरस्थित सडकमा साइकलबाट लडेर सोही ठाउँ बस्ने ६६ वर्षीय बुद्धिराम थारु गुरुवाको बिहीबार दिउँसो घटनास्थलमै मृत्यु भएको छ ।
बारा, जितपुर सिमरा उपमहानगरपालिका-२ स्थित सडकमा पथलैयाबाट सिमरातर्फ जाँदै गरेको ना.२३ प ७१८२ नम्बरको मोटरसाइकल बिहीबार राति दुर्घटना हुँदा चालक सोही उपमहानगरपालिका-७ जितपुर बस्ने १६ वर्षीय नौसाद कवारीको मृत्यु भएको छ । दुर्घटनामा गम्भीर घाइते भएका उनको बयोधा हस्पिटल गण्डक वीरगंजमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार अन्य ३ जनाको सोही अस्पतालमा उपचार भइरहेको छ ।
सुर्खेत, वीरेन्द्रनगर नगरपालिका-३ उत्तरगंगास्थित सडकमा भुलेरी चोकबाट सदरमुकामतर्फ जाँदै गरेको क.प्र.००२ प १९७७ नम्बरको मोटरसाइकल अनियन्त्रित भई बिहीबार राति दुर्घटना हुँदा मोटरसाइकलमा सवार कालिकोट शुभकालिका गाउँपालिका-३ बस्ने २३ वर्षीय विमोचन विष्टको मृत्यु भएको छ । दुर्घटनामा गम्भीर घाइते भएका उनको कर्णाली प्रदेश अस्पताल कालागाउँमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालक समेत २ जनाको सोही अस्पतालमा उपचार भइरहेको छ ।
प्रतिक्रिया लेख्नुहोस्:-