काठमाडौं । भन्सार विभागले त्रिभुवन अन्तर्राष्ट्रिय विमानस्थल भन्सार कार्यालयका कर्मचारीमाथि छानबिन गर्ने भएको छ । ठूलो मात्रामा विमानस्थलबाट पास भएको तस्करीको सुन फेला परेपछि भन्सार कार्यालयका कर्मचारीमाथि छानबिन हुने भएको हो ।
विमानस्थलको भन्सारबाट सुन उम्काउने कर्मचारीलाई निलम्बन गर्ने विभागको तयारी छ । विभागका निर्देशक पुण्यविक्रम खड्काले जाँच छलेर सुन उम्काउने कर्मचारीलाई निलम्बन गरेर छानबिन गरिने बताए ।
क-कसलाई निलम्बन गर्ने भन्ने विषयमा गृहकार्य भइरहेको खड्काले बताए । बुधवार राजश्व अनुसन्धान विभागको टोलीले विमानस्थलबाट पास भएको करिब १ क्विन्टल सुन बरामद गरेको थियो ।
प्रतिक्रिया लेख्नुहोस्:-