आलु महोत्सवको झडप मिलाउन खोज्दा सुरजको गुम्यो आँखाको ज्योति

पोखरा । पोखरा महानगरपालिका २५ हेम्जामा भएको आलु महोत्वसमा झगडा हुँदा एक युवाले आखाँको ज्योति नै गुमाएका छन् ।
महोत्सव हेर्न पुगेका धादिङ घर भई हाल पोखरा १ बगर बस्दै आएका सुरज तामाङको आखाँको ज्योति गुमेको हो । घटना लगत्तै सहारा अस्पताल ल्याएको उनको थप उपचार मणिपाल शिक्षण अस्पतालमा उपचार गराउने क्रममा आखाँको ज्योति गुमेको हो ।

सुरज शनिबार साथिहरुसंग महोत्वसक घुम्न पुगेका थिए । सोही क्रममा झडप भएको थियो । महोत्सवको झडप पछि तिनै समूहले घर फर्कने क्रममा उनीमाथि आक्रमण गरेका थिए । उनको टाउकोमा प्र्रहार गर्दा नाकको डाडी भाच्चिएको छ । उनको अहिले हिमालय आखाँ अस्पताल पोखरामा उपचार भइरहेको छ ।

घाइतेका अनुसार महिलाको विषयलाई लिएर घटना घटेको हो । घाइतेका अनुसार उनको छिमेकको दाईसंग प्रेम रहेको महिलाका कारण घटना भएको हो । दुई जना प्रेमीबीचको सम्बन्ध मिलाउन खोज्दा नसालु पदार्थको मातमा उनले आखाँ सँगै अनुहारको हड्डी नै फुटाउनु परेको छ ।

वैशाख २ गते हेम्जा आलु महोत्सवमा गीत गाउनका लागि पुगेका तामाङले गीत गाउन भने पाएनन् । स्थानीय र्यापर आएका कारण उनले अवसर पाएनन् । सोही क्रममा उनीसँगै आएका अर्का व्यक्ति सँग प्रेममा गासिएका ती महिला अन्य पुरुषसँग नाचेपछि झगडा सुरु भएको घाइते बताउँछन् ।

‘हेम्जा महोत्सवमा गीत गाउने भने गएको थिए । भरखरै गाउन सुरु गरेको थिए । धेरै भएको छैन् । प्राक्टिस पनि गर्दै थिए । आफैले लेखेको गीत गाउँछु भनेर गएको थिए । साथीहरुले आयोजकलाई कुरा गरेको थियो’ उनले भने, ‘त्यसपछि आज गाउँन मिल्दैन ढिला हुन्छ प्रहरीले मान्दैन भन्यो । भोलि दिउँसो गाउँ है भनेको थियो । मैले निराश हुँदै हुन्छ भने । दाई र दाईको एउटा केटी थियो । पहिलादेखी नै दुई जनाको भेट हुन्थ्यो । दुःख सुखमा दाई र मैले नै सहयोग गर्दै आएका थियौं ।’

उनका अनुसार ति महिला रक्सीको मातमा थिइन् । रक्सीको मातमा अपशब्द बोल्दै गाली गलौज गरेपछि मेलामै धकेलाधुकुल भएको थियो । करिब १०/१५ जना केटाहरु बोलाएर धम्की दिएका थिए ।

ति युवाहरुलाई दुई जना प्रेममा रहेको कुरा सुरजले बताएका थिए । तर नशालु पदार्थमा मातिएका युवाहरुले उनीहरुलाई ठेगान लगाउँने भन्दै धम्की दिएपछि प्रहरी समेत बोलाइएको थियो । प्रहरीले साम्य पारेर सकिएपछि घर फर्कने क्रममा उनीमाथि प्रहार भएको थियो । बाटोमा ति महिला भेटिएपछि भनाभन हुँदा सुरजले हेल्मेटले प्रहार गरेको बताए ।

आफुले तिनचार पटक हेल्मेट हानेपछि महिलाले पनि तिनै केटाहरुलाई बोलाएको र आफुलाई कुटेको उनले सुनाए । दैनिक काम गरेर गुजारा टार्ने सुरजको मणिपाल अस्पतालले उपचार हुन सक्दैन काठमाडौं लैजानका लागि रिफर गरिदिएको थियो । सुरजले भने मणिपालमा उपचार गराउँदा उपचार राम्रो नपाएको गुनासो पोखेका छन् ।

उनले यस विषयमा प्रहरीले भने अनुसन्धान गरिरहेको बताएको छ । जिल्ला प्रहरी कार्यालय कास्कीका प्रवक्ता श्रवणकुमार विकका अनुसार घटनाको विषयमा थप विवरण बुझ्न बाकीँ रहेको बताए ।

दुवै आखाँ टासिएको थियो । ‘मैले केहि देखिन मणिपालले राम्रो उपचार नै गरेन,उनले भने,‘मेन डाक्टर नै आएनन् ।’
मेन डाक्टर नै छुट्टि गएको छ भन्थ्यो । दुई दिनपछि बल्ल डाक्टर आउनुभयो । १ बजेर ५५ मिनेटमा बोलाएको डाक्टरले मलाई चार बजेति मात्रै हेर्नुभयो । आखाँ नै तिमिलाई केहि भएको छैन् । नआत्तिउ केहि हुन्न । नाकको हड्डी भाच्चिएको छ । यहि उपचार हुन्छ भन्यो ।
मैले आँखा नदेखेर बोलाउँदा उताबाट रफ वर्डबाट गालि गर्दै तैले देख्दैनस् हामी डाक्टर हौं भन्थे । त्यो कुराको पनि मलाई कुनै गुनासो थिएन ।
पैसा नभएर आयौं । दात सबै हल्लिएको अनुहारको हड्डी फुटेको ।