काठमाडौं । दाङ, तुलसीपुर उपमहानगरपालिका ३ सातबास बस्ने ६० वर्षीय बलिराज ऐरीको आगोले जलेर शुक्रबार साँझ मृत्यु भएको छ । आफ्नै घरमा बस्तुभाउलाई दाना पकाई निकाल्दा सोही आगोमा परी जलेर गम्भीर घाइते भएका उनको राप्ती प्रादेशिक अस्पताल तुलसीपुरमा उपचारको क्रममा मृत्यु भएको हो ।
गुल्मी, सत्यवती गाउँपालिका ४ लिम्घा बस्ने लाल बहादुर शाहीको आगोले जलेर शुक्रबार दिउँसो मृत्यु भएको छ । घाँस काटन गएको अवस्थामा खरेन बारीमा आगलागी हुँदा सोही आगोमा परी जलेर गम्भीर घाइते भएका उनको उद्दार गरी घरतर्फ लैजाने क्रममा बाटौमै मृत्यु भएको हो ।
गुल्मी, ईस्मा गाउँपालिका १ तल्लो हर्पुकोट बस्ने दिपक खत्रीको गोठमा शुक्रबार दिउँसो आगलागी भई उक्त आगो घरमा समेत फैलिएर आगलागी हुँदा घर र गोठ पूर्णरूपमा जलेर करिब ५० लाख रूपैयाँ बराबरको धनमाल नष्ट भएको छ ।
रोल्पा, रुन्टिगढी गाउँपालिका ६ सापडाँडा बस्ने ईश्वर बहादुर बुढाको घरमा शुक्रबार साँझ आगलागी हुँदा घर पूर्णरूपमा जलेर करिब ६ लाख रूपैयाँ बराबरको धनमाल नष्ट भएको छ ।
चितवन, इच्छाकामना गाउँपालिका ४ कुरिनटारस्थित सडकमा रौतहटबाट काठमाडौंतर्फ जाँदै गरेको बा.प्र ०३००१ ख २५११ नम्बरको बसमा गएराति आगलागी हुँदा बस पूर्णरुपमा जलेर नष्ट भएको छ ।
बाँके, डुडुवा गाउँपालिका १ कुडुवा बस्ने तिर्थराम यादवको घरमा शुक्रबार साँझ आगलागी भई उक्त आगो बस्तीमा समेत फैलिएर तिर्थरामको घर, श्याम चन्द्र यादवको घर र शर्मा यादवको घरसमेत जलेर करिब ६ लाख ६० हजार रूपैयाँ बराबरको धनमाल नष्ट भएको छ ।
काठमाडौं, काठमाडौं महानगरपालिका ८ पशुपति आर्यघाट नजिक एक तले भवनको १,२,३,४ नम्बरको सटरमा शुक्रबार दिउँसो आगलागी हुँदा ४ जनाले सञ्चालन गरेको पूजा सामग्री पसलका विभिन्न सामान जलेर करिब ९ लाख ४० हजार रूपैयाँ बराबरको धनमाल नष्ट भएको छ ।
मोरङ, सुनवर्षी नगरपालिका ९ खुनियाबारी बस्ने दलाल मिँयाको गोठमा शुक्रबार दिउँसो आगलागी भई उक्त आगो बस्तीमासमेत फैलिएर आगलागी हुँदा सोही ठाउँ बस्ने जमिल मिँयाको गाईगोठ, मोहमद अजिम उदिमको परालको टाल, मोहमद हसिब मिँयाको गाईगुवाली र परालको टालसमेत जलेर करिब ५ लाख ५० हजार रूपैयाँ बराबरको धनमाल नष्ट भएको छ ।
खोटाङ, खोटेहाङ गाउँपालिका( ४ सिमखर्क बस्ने गंगा बहादुर बुढाथोकीको घरमा करेन्ट सर्ट भई शुक्रबार बिहान आगलागी हुँदा घर पूर्णरूपमा जलेर करिब ५ लाख ५५ हजार रूपैयाँ बराबरको धनमाल नष्ट भएको छ ।
कपिलबस्तु, शिवराज नगरपालिका ११ भदौखर्कस्थित रुकु बढईको गोठमा शुक्रबार दिउँसो आगलागी भई उक्त आगो फैलिएर आगलागी हुँदा सोही ठाउँ बस्ने मुर्ता कुर्मीको गोठ, मगरे यादवको घरको झ्यालढोका र जमन नाउको गोठ समेत जलेर करिब ३ लाख रूपैयाँ बराबरको धनमाल नष्ट भएको छ ।
अर्घाखाँची, छत्रदेव गाउँपालिका ४ केरुङगा मौलापोखरीस्थित धनेपानी सामुदायिक वनमा लागेको आगो फैलिएर सोही ठाउँ बस्ने ठाकुर प्रसाद पराजुलीको घर र गोठमासमेत शुक्रबार दिउँसो आगलागी हुँदा घर र गोठ जलेर नष्ट भएको छ ।
प्रहरीले स्थानीय वासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा थप अनुसन्धान गरिरहेको छ ।
प्रतिक्रिया लेख्नुहोस्:-