काठमाडौं । गल्कोट नगरपालिका ११ मनेवापाटस्थित सडकमा खर्वाङबाट हटियातर्फ जाँदै गरेको ध १ त ६०९ नम्बरको ट्याक्टर अनियन्त्रित भई सोही ठाउँ बस्ने होम बहादुर सिङजालीको घरमा खस्न जाँदा होम बहादुरको घरमा पाहुना आएका नवलपरासी ९पूर्व० कावासोती नगरपालिका९११ घर भएका २३ वर्षीय दिपेश सलामीको ट्याक्टरले च्यापिएर मंगलबार राति घटनास्थलमै मृत्यु भएको छ । हाल फरार ट्याक्टर चालकको प्रहरीले खोजी गरिरहेको छ ।
काठमाडौं, टोखा नगरपालिका ३ स्थित सडकमा टोखाबाट ग्राण्डी अस्पतालतर्फ जाँदै गरेको बा प्र०२-०१६ प ६५३१ नम्बरको स्कुटर अनियन्त्रित भई बा ३ ख ८१९६ नम्बरको गाडीमुनि पर्न गई मंगलबार दिउँसो दुर्घटना हुँदा स्कुटर चालक कालिकोट राजकोट नगरपालिका ५ घर भई काठमाडौं टोखा बस्ने दिनेश शाहीको मृत्यु भएको छ । दुर्घटनामा गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो । दुवै सवारी साधन र गाडी चालकलाई प्रहरीले नियन्त्रणमा लिएको छ ।
पर्सा, जिराभवानी गाउँपालिका १ स्थित सडकमा सुवर्णपुरबाट वीरगंजतर्फ जाँदै गरेको बिआर ०१ पिए २८७६ नम्बरको जिप आफै अनियन्त्रित भई मंगलबार राति दुर्घटना हुँदा जिपमा सवार ठोरी गाउँपालिका सुवर्णपुर बस्ने २९ वर्षीय नकुल पौडेलको मृत्यु भएको छ । दुर्घटनामा गम्भीर घाइते भएका उनको स्थानीय मेडिकल हुँदै एलएस न्यूरो अस्पताल बारामा उपचारको क्रममा मृत्यु भएको हो । हाल फरार जिप चालकको प्रहरीले खोजी गरिरहेको छ ।
पर्सा, वीरगंज महानगरपालिका १७ अलौस्थित सडकमा ना ५ च ४७५ नम्बरको गाडीले प्र २-०३-०२२ प ९८०० नम्बरको मोटरसाइकललाई मंगलबार राति ठक्कर दिँदा मोटरसाइकल चालक जिराभवानी गाउँपालिका ३ परसवा बस्ने ४५ वर्षीय मनोज पासवानको मृत्यु भएको छ । दुर्घटनामा गम्भीर घाइते भएका उनको नारायणी अस्पताल वीरगंजमा उपचारको क्रममा मृत्यु भएको हो । गाडी चालकलाई प्रहरीले नियन्त्रणमा लिएको छ ।
ताप्लेजुङ, सिरीजंघा गाउँपालिका ५ याङपाङस्थित सडकमा प्र १-०१-००१ त ८२६४ नम्बरको ट्याक्टरको ठक्करबाट पैदलयात्री सोही गाउँपालिका ६ मामाङ्खे बस्ने २० वर्षीय प्रिजम लिम्बुको मंगलबार साँझ घटनास्थलमै मृत्यु भएको छ । हाल फरार ट्याक्टर चालकको प्रहरीले खोजी गरिरहेको छ ।
प्रतिक्रिया लेख्नुहोस्:-