काठमाडौं । नुवाकोट, दुप्चेश्वर गाउँपालिका ४ गोल्फुमा ना १ ज ३९८४ नम्बरको टाटा सुमो शुक्रबार दिउँसो दुर्घटना हुँदा सुमोमा सवार ३ जनाको मृत्यु भएको छ । मृत्यु हुनेहरूमा दुप्चेश्वर गाउँपालिका ४ बस्ने २५ वर्षीय छिरिङ तामाङ, १६ वर्षीया मनमायाँ तामाङ र सोही गाउँपालिका ७ बस्ने ४५ वर्षीया सानु कान्छी तामाङ रहेका छन् ।
दुर्घटनामा छिरिङ र मनमायाँको घटनास्थलमै मृत्यु भएको हो भने गम्भीर घाइते भएकी सानु कान्छीको त्रिशुली अस्पताल हुँदै थप उपचारको लागि ट्रमा सेन्टर काठमाडौंतर्फ लैजाने क्रममा बाटोमै मृत्यु भएको हो । साथै दुर्घटनामा घाइते भएका अन्य ९ जनाको ट्रमा सेन्टर काठमाडौंमा उपचार भइरहेको छ ।
कास्की, पोखरा महानगरपालिका ८ न्युरोडमा ग १ ज ४५४० नम्बरको विंगर गाडीले ग ५ प ९४ नम्बरको स्कुटरलाई शुक्रबार दिउँसो ठक्कर दिँदा स्कुटरमा सवार पोखरा महानगरपालिका ८ सृजना चोक बस्ने ५० वर्षीय सुर्य थकालीको मृत्यु भएको छ ।
ठक्करबाट गम्भीर घाइते भएका उनको मणिपाल शिक्षण अस्पतालमा उपचारको क्रममा मृत्यु भएको हो । विंगर गाडी चालकलाई प्रहरीले नियन्र्इणमा लिएको छ ।
कपिलवस्तु, वाणगंगा नगरपालिका १० वनकट्टीस्थित सडकमा लु ४ त १०१४ नम्बरको ट्याक्टर अनियन्त्रित भई शुक्रबार दिउँसो दुर्घटना हुँदा ट्याक्टरमा काम गर्ने सोही नगरपालिका १० बस्ने ३८ वर्षीय हरिराम चौधरीको मृत्यु भएको छ ।
दुर्घटनामा गम्भीर घाइते भएका उनको जिल्ला अस्पतालमा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।
पाँचथर, फिदिम नगरपालिका ३ कान्छी दोकानस्थित प्र.१-०१-००१ च ९३४९ नम्बरको कार अनियन्त्रित भई शुक्रबार साँझ दुर्घटना हुँदा कारमा सवार झापा, बिर्तामोड नगरपालिका १ बस्ने १८ वर्षीया रस्मी भुजेलको मृत्यु भएको छ । दुर्घटना गम्भीर घाइते भएकी उनको जिल्ला अस्पताल पाँचथरमा उपचारको क्रममा मृत्यु भएको हो ।
साथै दुर्घटनामा घाइते भएका कारमा सवार अन्य ४ जनाको जिल्ला अस्पताल पाँचथर हुँदै थप उपचारको लागि बिएण्डसी अस्पताल झापातर्फ पठाइएको छ ।
दोलखा, भिमेश्वर नगरपालिका ६ चोथानमा बा ४ ख ९७५ नम्बरको ट्रकले बा ९४ प ३२५५ नम्बरको मोटरसाइकललाई शनिबार बिहान ठक्कर दिँदा मोटरसाइकल चालक सोही ठाउँ बस्ने काभ्रे महाभारत गाउँपालिका ८ घर भएका २० वर्षीय राजु मगरको मृत्यु भएको छ । ठक्करबाट गम्भीर घाइते भएका उनको च्छो-रोल्पा अस्पताल चरिकोटमा उपचारको क्रममा मृत्यु भएको हो ।
साथै ठक्करबाट घाइते भएका मोटरसाइकलमा सवार अन्य १ जनाको सोही अस्पतालमा उपचार भइरहेको छ । हाल फरार ट्रक चालकको प्रहरीले खोजी गरिरहेको छ ।
प्युठान, प्युठान नगरपालिका ७ टिकुरी बसपार्कस्थित सडकमा लु २ क ३८८९ नम्बरको टिपरको ठक्करबाट पैदलयात्री गौमुखी गाउँपालिका ७ नारीकोट बस्ने २० वर्षीया गिता विश्वकर्माको शनिबार बिहान मृत्यु भएको छ ।
ठक्करबाट गम्भीर घाइते भएका उनको जिल्ला अस्पताल बिजुवारमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ ।
बझाङ, जयपृथ्बी नगरपालिका ९ पक्किपुल बजारस्थित सडकमा सु.प.प्र.०२-००१ ख १११९ नम्बरको बसको ठक्करबाट सोही ठाउँ बस्ने सुर्मा गाउँपालिका ३ घर भएका धन बहादुर बोहराको छोरा ३ वर्षीय सरगम बोहराको शनिबार दिउँसो मृत्यु भएको छ ।
ठक्करबाट गम्भीर घाइते भएका उनको जिल्ला अस्पतालमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।
प्रतिक्रिया लेख्नुहोस्:-