विश्वमा हालसम्म ६ अर्ब ७२ करोड १५ लाख १ हजार ३ सय ८३ मात्रा कोरोनाविरुद्धको खोप लगाइएको छ ।
विभिन्न खोप योग्य जनसंख्यामध्ये ४९ प्रतिशत मानिसहरुलाई कम्तिमा खोपको एक मात्रा लागिसकेको छ ।
जबकि, ३७ प्रतिशत मानिसहरुले दुबै मात्रा खोप लगाइसकेका छन् ।
विश्वमा खोप अभियानमा चीन सबैभन्दा अगाडि छ । चीनमा हालसम्म २ अर्ब २३ करोड २० लाख ८८ हजार जनालाई कोरोनाविरुद्धको खोप लगाइएको छ ।
चीनको दावी के छ भने यो देशमा खोप योग्य जनसंख्यामध्ये ७९ प्रतिशत मानिसहरुलाई खोपको कम्तिमा एक मात्रा लगाइएको छ भने ७५ प्रतिशत जनसंख्यालाई दुबै मात्रा लगाइएको छ ।
यसैबीच, बिहिबार भारतले पनि खोप अभियानमा इतिहास रचेको छ । भारतमा एक सय करोड अर्थात एक अर्ब खोपको मात्रा लगाइएको छ । भारतमा २ सय ७८ दिनमा एक अर्ब मात्रा खोप लगाइएको हो ।
यी मध्ये ७० करोड ८२ लाख ८१ हजार ७ सय ८४ जनालाई खोपको एक मात्रा लगाइएको छ भने २९ करोड १६ लाख २८ हजार १ सय ४० जनालाई खोपको दुबै मात्रा लगाइएको छ ।
यो १८ वर्षभन्दा बढी उमेर समुहको ३० दशमलव ९ प्रतिशत हो । भारतमा १८ वर्षभन्दा माथिको जनसंख्याको ७४ दशमलव ९ प्रतिशतलाई कम्तिमा एक मात्रा खोप लगाइएको छ ।
प्रतिक्रिया लेख्नुहोस्:-