पोखरा, ९ असोज । कोरोना महामारीले १८ महिना बिथोलिएपछि अहिले लेकसाइडका होटल तथा रेष्टुरेन्टहरु विस्तारै खोलिदै छन् । बाहिरी पर्यटकको चहल पहल नभएपनि आन्तरिक पर्यटकको केहीमात्रामा चहलपहल सुरु भइरहेको छ ।
दशै तिहारको समय भनेको लेकसाइडका लागि व्यवसायीक सिजनको समय हो । सिजनको समय भएपनि १८ महिनामा लेकसाइडका एक सय रेष्टुरेन्ट व्यवसायीहरु पलायन भइसकेका छन् ।
गण्डकी प्रदेशको राजधानी पोखराको मुख्य व्यवसाय नै पर्यटन हो । तर, कोरोना भाइरसले पर्यटनमा नै असर गरेपछि यतिबेला भएकाहरु समेत मारमा परिरहेका छन् ।
पर्यटन व्यवसायीहरु एकातिर व्यवसाय नचलेका कारण मारमा परेका छन् भने अर्का तिर बैंकको ब्याजले समेत मारमा परिरहेका छन् । पर्यटन व्यवसायी भने अब व्यवसाय तंग्रिदै जानेमा आशावादी देखिन्छन् ।
पोखरका होटल तथा रेष्टुरेन्ट व्यवसायीहरु पर्यटकलाई सहुलियत सहितको सेवा दिन समेत तयार भइरहेका छन् । रेष्टुरेन्ट एण्ड बार एशोसियसन (रेवान) का अध्यक्ष लक्ष्मण बरालका अनुसार १ सय व्यवसायी पूर्ण रुपमा व्यवसायबाट पलायन भइसकेका छन् ।
‘हामी १८ महिना यसै थलियौँ । उक्त समयमा जेनतेन ६ महिनामात्रै केही व्यसायीले सेवा दिन सके । अब भनेको हामी पुनः व्यसायमा फर्किन चाहान्छौं’ उनले भने,‘संघीय मन्त्री परिषद् नबन्दासमेत हामीलाई निकै समस्या परिरहेको छ ।
विभागिय मन्त्री छैनन् । देशमा पर्यटन आउनलाई सुरक्षित वातावरण देखिदैँन् ।’ यस्तै पोखरा पर्यटन परिषद्का अध्यक्ष गोपी बहादुर भट्टराइले कोरोनाले परिस्थिति भिन्न बनाएको बताए । अब एउटामात्र व्यवयासलाई नभई समग्र व्यवसायलाई नै राहत पुग्ने गरी पर्यटन क्षेत्र पूर्णरुपमा खुलस्त गर्नुपर्ने बताए ।
उनी भन्छन्,‘ अब पर्यटन खुल्ला गर्नका लागि विभिन्न गतिविधि गर्नुपर्ने छ । पदयात्रा त खोलियो अब आउने विदेशी पर्यटकका लागि समेत सहज वातावरण हुनुपर्छ ।’ अर्को तर्फ तत्काल आन्तरिक पर्यटनमा जोड् दिनुपर्ने उहाँको भनाइ छ ।
कोरोनाले धेरै व्यवसायी पलायत भइसकेको अवस्था छ । भएका व्यवसायीलाई जिवन्त राख्नलाई समेत पुर्ण रुपमा खुल्ला हनुुपर्ने देखिएको छ । यतिमात्र होइन् ।
रेष्टुरेन्ट तथा होटलमा काम गर्ने कर्मचारीदेखि कुक सम्म पलायन भइसकेका छन् । अहिले पोखरामा रेष्टुरेन्ट व्यवसायीले आम्दानी त गर्न सकेनन् भएका कर्मचारीलाई समेत राख्न सकेनन् ।
व्यवसाय नै धरापमा परेपछि कामदारले समेत अर्कै बाटो अगाली सकेका छन् । कोही कृषितिर लागेका छन् त कोही विदेशीएका छन् । यस्तै व्यसायबाट पोखरा बाटुलेचौर बस्ने कुुमार परियारपनि विदेशीने अवस्थामा पुग्नु भएको छ ।
पोखरा कुकको काम गर्ने उहाँ अहिले साउदी जाने तरखर गरेका छन् । साउदीको एक होटलमा कुकमै जान लाग्नु भएको उनी भिषा कहिले आउँछ भनेर पर्खिरहेका छन् । ‘सद्यैँ लकडाउ, कोरोना भनेर के गर्ने खान बस्न नै धौधौ भइसक्यो ।
अब यहाँ काम गरेर हुदैँन ऋण तिर्नका लागि भएपनि विदेश जान परेको छ’ उनले भने । यी त एक उदाहरणमात्र हो यस्तै कयौँ युवा पलायन भइसकेको अवस्था छ ।
प्रतिक्रिया लेख्नुहोस्:-