पोखरा २८ भदौ । २०७७ सालमा बाग्लुङ गलकोट क्षेत्रमा भएका केही प्रतिनिधी मुलक घटनाहरु रहस्यमै सिमित बन्यो । करिब १८ घरमा चारीका घटना भएका थिए ।
गलकोटमा भएका केही प्रतिनिधी मुलक र साधारण घटनामा अनुसन्धान सफल रहेको भएपनि घटनाको मुख्य योजनाकार भने भेटिएको छैन । घटनाको दोषीको आरोपमा १ जनालाइ प्रहरीले नियन्त्रणमा लिएपनि अन्यको खोजी कार्या जारी थियो । १ दोषी पोखराबाट पक्राउ परेका छन् । लेखनाथ अर्घेचोकबाट खास्टे तालजाने बाटोमा मुख्य योजनाकार कुवेर पुन पक्राउ परेको प्रहरी स्रोतको दावी छ । पुन पक्राउ परेको तर घटनाको स्वीकार नगरेको जिल्ला प्रहरी कार्यालय बाग्लुङ प्रहरी प्रमुख एसपी कृष्ण पल्लीमगरले जानकारी दिए ।
पछिल्लो केही समयमा पुन पोखरामा बस्दै आएको स्रोतको दावी छ । तर पुन बस्ने कोठा भने प्रहरीले पत्ता लगाउन सकेको छैन । पुन पहिला सशत्र प्रहरी बलमा कार्यारत थिए । सुर्खेत घर भएका पुन यस भन्दा अघि पनि विभिन्न चोरीको घटनामा पक्राउ परेका थिए ।
केही घटनाको अभियुक्त तथा आरोपित पक्राउ परेपनि घटनाको निरुपण र कारबाही नभएकोले श्रृखलाबद्ध घटनाहरु बढेको स्थानीयको भनाई छ । गलकोटमा भएका केही घटनाहरु गाँई गोरु काटेको, अबैध हतियार पत्ता लगाउन प्रहरी सफल भएको छ तर जघन्य अपराध तथा चोरीको घटनामा अनुसन्धान दुई दिनको घाम जस्तै बनेको छ । असोज १५ गते पछिको ३ घटना जसले गलकोटबासीलाई असुरक्षित त बनाएको छ नैं, अनुसन्धान नाममै भएको पुष्टि समेत गरेको छ ।
उक्त समयमा लगभग १८ घरमा चोरी भएको थियो । ति मध्य केही घटना यस्ता छन्
घटना नं १ गत असोजमा हतियारको डरधम्की देखाएर केही युवाले गलकोट नगरपालिका वडा नम्वर २ का वृद्ध दम्पत्तीलाई बन्धक बनाएर सम्पत्ति लुटे । गलकोट नगरपालिका वडा नं २ का ६५ वर्षका गोरबहादुर भण्डारीको ९ तोला सुन र गहना र नगद ६५ हजार लुटेका थिए ।
रातको समयमा आएका युवाले प्रहरी हौं, तपाइको घरमा के लुकाएको छ भन्दै छापा मार्ने शैलीमा चोरी गरेका थिए, पहिला प्रहरी हौं घरमा पसेका युवाहरुले खानतलासीको शैलीमा ६ जना युवाले भण्डारीको घरमा लुटपाट मच्चाए ।
पहिला घरमा रहेका बुढाबुढीको हातखुट्टा बाँधे, त्यसपछि आनन्दले चोरी गरे, हारगुहार केही नभएपछि छिमेकीले भोलीपल्ट मात्रै थाहा पाए, लुटेराहरुले मस्तीसंग रातभर लुटपाट गरेको स्थानीय बताउछन् ।
भोलिपल्ट थाहा पाएपछि प्रहरीमा उजुरी पर्यो तर आशंकामा रहेका केही ब्यक्ती पक्राउनै नपरेको भण्डारीले बताउदैं आउनुभएको छ । प्रहरीले उत्त घटनामा सलग्न १ ब्यक्तीलाई पक्राउ गरेको भएपनि अनुसन्धानबाट केही नखुल्दा अझै सम्म उत्त घटना रहस्यमय बनेको छ । प्रहरीले पक्राउ गरेको ब्यक्ती बाहेक अन्य ५ जना लुटेरा पक्राउ गर्न नसक्नु असुरक्षाको दरिलो कारण हो ।
घटना नम्वर २ गलकोट नगरपालिकाको बिभिन्न वडा तथा बस्तीमा गरि अठार घरमा तोडफोड र चोरी भयो । गत माघ महिनाको पहिलो हप्तामा भएका ति घटनाहरुले पनि श्रृखला बद्ध रुप लियो तर अनुसन्धान गम्भीर हुन नसक्दा चोरहरु कानुनको दायरामा ल्याउन प्रशासन अझै असफल भएको छ ।
गलकोट नगरपालिकाका नगरप्रमुख भरत शर्मा गैरेको घरसहित गलकोट नगरपालिका २ मा रहेका आधादर्जन घर एकैरातमा तोडफोड भएको थियो भने त्यसको माघको ३ गते थान तथा भुङ्गानीमा चोरी भएको थियो । नगरप्रमुख गैरेको घरबाट १० हजार नगद, सुनको जन्तर र औँठीसमेत चोरी भएको प्रहरीले बताउछ ।
त्यसको भोलिपल्टै गलकोट नगरपालिका वडा नं ५ का रेशम थापाको घरबाट ४० हजार चोरी भएको छ । सोही दिननै प्रहरी कार्यालय देखी ३ सय मिटर तल थापाको घर र ३० मिटर माथि रहेको गलकोट बचत तथा ऋण सहकारी संस्था लिमिटेड सहित आठ घरमा चोरी र तोडफोड भयो ।
सहकारीको चाबी फोरेर भित्र पस्न खोजेको तर सटरको लक खोल्न नसकेपछि त्यहाँबाट भागेको सिसी क्यामेराको फुटेजमा देखिएको थियो । मध्य रातमा निरन्तर तोडफोडको प्रयास भएको क्यामेरामा कैद भएपनि चोरी गर्ने ब्यक्ती अझै पक्राउ पर्न सकेको छैन् ।
घटना नं ३ गलकोट नगरपालिका वडा नम्वर ६ चरौंदी चुत्रेनीका स्थानीय लाल बहादुर खत्रीको घर तोडफोड गरि गत जेठ २९ गते चोरी भयो । घरमा कोही नभएको समय मिलाएर घरतोडफोड गरि १ तोला सुनको मगंल सुत्र, १ जोडि सुनको झुम्का, आईफोन १२ प्रो म्याक्स १ ओटा र नगद जापानीज ऐन २४ हजार, नेपाली १० हजार, लगाएतका सामान तथा नगद गरि करिब ४ लाख बराबरको चोरी भयो ।
केही स्थानीय पक्राउ परे तर दुई दिनमै छुटे । चोरीको आशंकामा रहेका ब्यक्तीबाट घटना नभएको प्रहरीको अनुसन्धान छ । तर चोरहरु भाग्न सफल भएपछि असुरक्षा बढ्दै गएको स्थानीय बनाउछन् । उत्त घटनाको पनि अनुसन्धान दुई दिन निकै चर्चामा रहेको भएपनि बिस्तारै अनुसन्धान चिसो बन्दै आएको छ । सोध्यो प्रहरीको एउटै जवाफ छ, अनुसन्धान भैरहेको छ, छिट्टै सत्य तथ्य पत्ता लाग्छ ।
घटनाको केही तथ्य जनहित न्युजबाट साभार गरिएको छ ।
प्रतिक्रिया लेख्नुहोस्:-