एजेन्सी । तालिबानले अफगानिस्तानमा नयाँ सरकार गठन नभएसम्म शान्ति नहुने बताएको छ ।
तालिवानका प्रवक्ता सुहैल शाहीनले समाचार एजेन्सी एपीसँग अन्तर्वार्ता दिदै अफगानिस्तानमा नयाँ सरकार गठन र राष्ट्रपति अशरफ गनीले पद छोड्दैनन तबसम्म देशमा शान्ति स्थापित नहुने बताएका हुन् ।
प्रवक्ता शाहिनले तालिबानको तर्फबाट आफ्नो अडान स्पष्ट गरेका छन् ।
अमेरिका र नेटो गठबन्धन सैनिकले अफगानिस्तान छोडेपछि तालिबानले अहिले अफगानिस्तानमा लगातर नियन्त्रण बढाउदै लागेको बेला तालिबानको नयाँ धारणा बाहिर आएको हो ।
प्रवक्ता शाहिनले भनेका छन्( ुजब बातचितपछि काबुलमा यस्तो सरकार बन्ने छ, जसलाई सबै पक्षले स्वीकार गर्ने छन् । र गनीको सरकार गएपछि तालिबानले आफ्नो हतियार बिसाउने छ ।ु
उनले सरकारमा एकाधिकार भने नचाहेको बताउदै भने( ुमैले यो कुरा पनि स्पष्ट भन्न चाहन्छु कि हामी सत्तामा एकाधिकार चाहदैनौं । किनकी विगतमा अफगानिस्तानमा जसले सरकारको सबै शक्ति लिने प्रयास गरेका ति असफल भएका छन् ।ु
उनले तालिबान पनि असफल भएको भन्दै सोहि फर्मुला फेरी दोहोराउन नचाहेको बताए ।
शाहिनले गनीले २०१९ को निर्वाचनमा समेत धाधली गरेर सत्तामा आएको बताउदै उनको सरकार देशमा शासन गर्ने अधिकार गुमाएको बताए ।
प्रतिक्रिया लेख्नुहोस्:-