१० लाख डोज खोप आज बिहिबार जहाजले ल्याउने

काठमाडौं ७ साउन । सरकारले चीनसँग किनेको खोप लिन नेपाल वायुसेवा निगमको जहाज बुधबार बेइजिङ गएको छ । कोभिड–१९ विरुद्ध न्यूनतम १० लाख डोज साइनोफार्म खोप उक्त आज बिहिबार जहाजले ल्याउने छ ।
जहाज बिहीबार राति नै पुन: न्यूनतम १० लाख डोज खोप ल्याउन बेइजिङ जानेछ । शुक्रबार बिहान खोप ल्याएर काठमाडौं आइपुग्ने छ । थप खोप ल्याउन निगमको जहाज आगामी शनिबार पुन: बेइजिङ जाने तयारीमा छ । तीन उडानमार्फत चीनबाट ३२ लाख खोप ल्याइने भएको छ । नेपालले नन–डिस्क्लोजर सहमतिअनुसार ४० लाख डोज खोप खरिद गरेको हो । स्वास्थ्य मन्त्रालयका अनुसार अहिलेसम्म ६५ लाख ८२ हजार ८५० डोज खोप नेपाल आइसकेको छ । अनुदान, खरिद र कोभ्याक्स संयन्त्रमार्फत नेपालले खोप प्राप्त गरेको हो ।