स्रोत नखुलेको करिब ३२ लाख सहित दुई जना पक्राउ

रुपन्देही २२ असार । रुपन्देहीमा स्रोत नखुलेको करिब ३२ लाख रुपैयाँसहित दुई जनालाई प्रहरीले पक्राउ गरेको छ । मंगलबार दिउँसो भैरहवाबाट ३१ लाख ९० हजार रुपैयाँसहित दुई जनालाई प्रहरीले नियन्त्रणमा लिएको हो ।

रुपन्देही प्रहरीका प्रवक्ता प्रहरी नयाव उपरिक्षक सत्यनारायण थापाका अनुसार बेलहिया नाका नजिकै सिद्धार्थनगर नगरपालिका–१ बाइपास रोडबाट स्थानीय विनय कलवार र भारत नौतनवाका सुरज गौण पक्राउ परेका हुन् । उनीहरु सवार लु २१ प २२१२ नम्बरको स्कुटी खानतलासी गर्ने क्रममा झोलामा लुकाएर राखेको अवस्थामा उक्त रकम भेटिएको उनले बताए ।