काठमाडौं ८ भदौ । काठमाडौं, चन्द्रागिरी नगरपालिका ११ सतुंगलस्थित सडकमा बागमती प्रदेश ०२-०१६ प ९५७० नम्बरको मोटरसाइकलको ठक्करबाट पैदलयात्री सोही ठाउँ बस्ने धादिङ ज्वालामुखी गाउँपालिका ६ घर भएकी ३६ वर्षीया नन्दकला आले मगरको सोमबार बिहान मृत्यु भएको छ । ठक्करबाट गम्भीर घाइते भएकी उनको अन्नपुर्ण न्यूरो अस्पताल माईतिघर मण्डलामा उपचारको क्रममा मृत्यु भएको हो । साथै ठक्करबाट घाइते भएका उनकै श्रीमानको सोही अस्पतालमा उपचार भइरहेको छ । मोटरसाइकल चालकलाई प्रहरीले नियन्त्रणमा लिएको छ ।
कास्की, पोखरा महानगरपालिका ७ नागढुङ्गास्थित सडकमा ग.२० प ६०७५ नम्बरको मोटरसाइकल ग.१ य ११७१ नम्बरको गाडीमा ठोक्किएर सोमबार साँझ दुर्घटना हुँदा मोटरसाइकल चालक सोही महानगरपालिका १७ बिरौटा बस्ने २९ वर्षीय कृष्ण देवकोटाको मृत्यु भएको छ । दुर्घटनामा गम्भीर घाइते भएका उनको चरक मेमोरियल अस्पतालमा उपचारको क्रममा मृत्यु भएको हो । गाडी चालकलाई प्रहरीले नियन्त्रणमा लिएको छ ।
सप्तरी, सुरुङगा नगरपालिका ४ कदमहास्थित सडकमा ना ८ ख ३४२२ नम्बरको ट्रकले को १ ख ६९५६ नम्बरको तेलको ट्याङ्करलाई सोमबार राति ठक्कर दिँदा ट्रक चालक सुनसरी, रामधुनी ईकराही नगरपालिका ४ बस्ने आशाराम चौधरीको ९ वर्षीया छोरी मेनुका चौधरीको घटनास्थलमै मृत्यु भएको छ । दुर्घटनामा घाइते भएका ट्रकमा सवार चालक सहित ३ जनाको सप्तऋषि अस्पताल लहानमा उपचार भइरेहको छ । फरार ट्याङ्कर चालकको प्रहरीले खोजी गरिरहेको छ ।
महोत्तरी, बर्दिवास नगरपालिका ११ खैयरमार लच्का पुलस्थित सडकमा ना.३ ख ८८०० नम्बरको ट्रक र ज.४ प २७०० नम्बरको मोटरसाइकल एक आपसमा ठोक्किएर सोमबार राति दुर्घटना हुँदा मोटसाइकल चालक धनुषा मिथिला नगरपालिका ३ बस्ने २८ वर्षीय धनपत महत्तोको मृत्यु भएको छ । दुर्घटनामा गम्भीर घाइते भएको उनको शुभ स्वस्तिक अस्पताल बर्दिवासमा उपचारको क्रममा मृत्यु भएको हो । दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरेहको छ । ट्रक चालकलाई प्रहरीले नियन्त्रणमा लिएको छ ।
बाँके, नेपालगंज उपमहानगरपालिका ११ पासाङलामु मार्गस्थित सडकमा हाल नम्बर नखुलेको मोटरसाइकलको ठक्करबाट सोही ठाउँ बस्ने ईमरान राईको छोरा ३ वर्षीय अनादिया राईको मृत्यु भएको छ । ठक्करबाट गम्भीर घाइते भएको उनको भेरी अस्पताल नेपालगंज हुँदै लखनउ रिफर गरिएकोमा आफन्तले घरमा लगेपश्चात उनको मृत्यु भएको हो । ठक्कर दिने मोटरसाइकललको प्रहरीले खोजी गरिरहेको छ ।
प्रतिक्रिया लेख्नुहोस्:-