काठमाडौं । काठमाडौं महानगरपालिका-२६ कपुरधारास्थित मासु पसल संचालन गरी बस्ने बर्दिया घर भएका ३५ वर्षीय ईस्माइल खानलाई अवैध लागूऔषध ब्राउनसुगर जस्तो पदार्थ देखिने पदार्थ करिब १ सय मिलिग्राम, चरेश जस्तो देखिने पदार्थ करिब ३२ ग्राम ९ सय मिलिग्राम र पोल्याण्ड जस्तो देखिने पदार्थ करिब १५ ग्राम ९ सय मिलिग्राम सहित शुक्रबार साँझ प्रहरीले पक्राउ गरेको छ । प्रहरी वृत्त लैनचौर समेतबाट खटिएको प्रहरीले उनको पसल तलासी गर्दा उक्त लागूऔषध फेला पारी पक्राउ गरेको हो । साथै प्रहरीले थप अनुसन्धान एवम् सोधपुछको लागि ३ जनालाई नियन्त्रणमा लिएको छ ।
यसैगरी काठमाडौं, चन्द्रागिरी नगरपालिका-२ नागढुङ्गाबाट अवैध लागूऔषध ब्राउनसुगर जस्तो देखिने पदार्थ २५ ग्राम सहित भारत किसनगंज-११ घर भएका ३२ वर्षीय अस्लाम मुदिनलाई शनिबार दिउँसो प्रहरीले पक्राउ गरेको छ । प्रहरी प्रभाग नागढुङगा र लागूऔषध नियन्त्रण ब्यूरो शाखा कार्यालय नागढुङ्गाबाट खटिएको संयुक्त टोलीले काँकडभिट्टादेखि काठमाडौंतर्फ आउँदै गरेको बा.प्र.०१-००६ ख ७४४३ नम्बरको बसलाई जाँच गर्ने क्रममा बसमा सवार उनलाई उक्त पदार्थ सहित पक्राउ गरेको हो ।
कैलाली, धनगढी उपमहानगरपालिका-८ बाट अवैध लागूऔषध ब्राउनसुगर जस्तो देखिने पदार्थ २ सय ३० मिलिग्राम सहित सोही उपमहानगरपालिका-६ जाली बस्ने २१ वर्षीय दिनेश भट्टलाई शुक्रबार बेलुकी प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनलाई उक्त पदार्थ सहित पक्राउ गरेको हो ।
बाँके, नेपालगंज उपमहानगरपालिका-१ घम्बोझीबाट अवैध लागूऔषध ब्राउनसुगर जस्तो देखिने पदार्थ १ ग्राम ६ मिलिग्राम सहित सोही ठाउँ बस्ने २७ वर्षीय अशोक बर्मालाई शुक्रबार बेलुकी प्रहरीले पक्राउ गरेको छ । जिल्ला प्रहरी कार्यालय बाँके र लागूऔषध नियन्त्रण ब्यूरो शाखा कार्यालय बाँकेबाट खटिएको संयुक्त टोलीले उनलाई उक्त पदार्थ सहित पक्राउ गरेको हो ।
पर्सा, वीरगंज महानगरपालिका-१६ फुलवारी टोल डेरा गरी बस्ने सोही महानगरपालिका रंगपुर टाडी घर भएका ३० वर्षीय पवन यादवलाई अवैध लागूऔषध गाँजा जस्तो देखिने बस्तु करिब २ किलोग्राम, ३ हजार ४ सय ५ नेपाली रूपैयाँ र ३ सय ६० भारतीय रूपैयाँ सहित शुक्रबार राति प्रहरीले पक्राउ गरेको छ । इलाका प्रहरी कार्यालय नगवा, प्रहरी चौकी बसपार्क समेतबाट खटिएको प्रहरीले उनको कोठा तलासी गर्दा उक्त लागूऔषध फेला पारी पक्राउ गरेको हो ।
दाङ, घोराही उपमहानगरपालिका-१४ मिलन चोकबाट अवैध लागूऔषध ब्राउनसुगर जस्तो देखिने पदार्थ २ सय ७० मिलिग्राम, मोबाइल २ थान र नगद ५ हजार ५ सय रूपैयाँ सहित २ जनालाई शुक्रबार राति प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-१७ नँयाबस्ती बस्ने ३३ वर्षीय रोशन चौधरी र २३ वर्षीय सुरेश चौधरी रहेका छन् । अस्थायी प्रहरी पोष्ट बसपार्क घोराहीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
बर्दिया, बढैयाताल गाउँपालिका-६ मैनापोखरबाट अवैध लागूऔषध ब्राउनसुगर जस्तो देखिने पदार्थ ३ सय ९० मिलिग्राम सहित बाँके कोहलपुर नगरपालिका-१३ चप्परगौरी बस्ने २३ वर्षीय अर्जुन बिक समेत २ जनालाई शुक्रबार साँझ प्रहरीले पक्राउ गरेको छ । इलाका प्रहरी कार्यालय मैनापोखरबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
कञ्चनपुर, बेदकोट नगरपालिका-३ सामादैजीबाट अवैध लागूऔषध चरेश जस्तो देखिने पदार्थ १ किलो ५ सय ८६ ग्राम सहित बझाङ बित्थडचिर गाउँपालिका-१ बस्ने ४० वर्षीय गमी लाल बोहोरालाई शनिबार बिहान प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय महेन्द्रनगर समेतबाट खटिएको प्रहरीले उनलाई उक्त पदार्थ सहित पक्राउ गरेको हो ।
प्रतिक्रिया लेख्नुहोस्:-